Kunning er send feløgunum um stevnuna Ålek 2019, sum verður í Álandi 14. – 21. juli

Stevnan er skipað í tveimum pørtum:

Ungdomsläger 14. – 16. juli.

ÅLEK 16. – 21. juli.

Um nóg stórur áhugi er, verður skipað fyri felags túri til stevnuna.

Á stevnuni framføra vit dansispøl, sum vit venja frammanundan. Harumframt verður farið uppá gólv, og tá verður eisini dansað saman við luttakarum úr hinum londunum.

Tað verður avmarkað tal av luttakarum á stevnuni og hava vit fingið 25 pláss til ÅLEK. Nevndin í Sláið Ring og Nordlekumboðini koma at brúka 6 pláss, tá eru 19 pláss eftir til feløgini.

Um luttakaratalið fer upp um 25, so tilskilar leiðslan sær rætt til at býta plássini soleiðis, at so nógv feløg sum møguligt verða umboðað.

Vit vilja fegin hava so breiða umboðan frá øllum feløgunum, sum til ber og heita vit tí á áhugað at melda til. Tilmeldingarfreistin er sett til mánadagin 19. november 2018. Tilmeldingin er á telduposti: olavur@elektron.fo

Kostnaðurin fyri ferðina fer væntandi at liggja uml. 8.000 – 10.000 kr. fyri hvønn.

Vit fara við flogfari 12. juli og koma aftur 22. juli. Ferðin er skipað soleiðis, at vit flúgva úr Føroyum til Kastrup og víðari til Arlanda í Stockholm. Haðani verður siglt til Álands, siglitúrurin tekur uml. 6 tímar.

Ætlanin er at gera útferðir á Álandi undan sjálvari stevnuni, dagarnar 14. – 15. juli.

Nærri fæst at vita á tlf. 295118 og telduposti olavur@elektron.fo

Norðstreymoyar Dansifelag byrjar dansiveturin aftur

Fyrsta dansikvøld hjá okkum verður sum vanligt seinasta vikuskifti í september, í ár leygarkvøldið 29. september. Farið verður upp á gólv kl. 21.30. Kaffi, te, og øl fæst til keyps. Seinni um kvøldið verður ein biti til matna. Kostnaður er 100 kr.

Tiltakið er alment.

Norðstreymoyar Dansifelag

Hóskvøldið 20. septembur fara vit at savnast í Skálanum um orðafelli úr kvæðum og vísum. Tríggir fyrilestrar eru á skránni, og tiltakið verður frá klokkan 19.00 til 21.30. Fyrilestrarhaldararnir verða Jóanes Johannesen úr Dali, Jógvan Højsted úr Funningi og Jónleif Johannesen frá Klaksvíkar Dansifelag. Áhoyrararnir fáa innlit í, hvørji orðafelli vórðu brúkt í Dali og Funningi og sum heild kring landið. Greitt verður frá, hvørjum kvæðum ella vísum orðafellini eru úr, í hvørjum samanhangi orðafellini vórðu brúkt, og hvat tey týða. Eisini verður hugleitt um, hvussu tey gomlu brúktu kvæða- og vísumál í dagligari talu. Eftir fyrilestrarnar fara vit upp á gólv í umleið ein tíma. Tiltakið er alment, og øll eru vælkomin.

 

 

Leygardagin 27. oktober 2018 skipa Sláið Ring og
Norðurlandahúsið fyri tiltakinum kvæðastevna, fyrilestrar og dansur. Byrjað verður
kl. 15.

Fyrilestrarnar kemur Egil Bakka, ið er professari í
tónleikavísundi við universitetið í Tróndheimi, at halda. Egil Bakka hevur eisini
arbeitt nógv við siðaarvi í norskum fólkadansi.

Í blaðnum Faroe Isles Review, Volume 2, No 2, 1977, ið
Bókagarður gav út, hevur Egil Bakka eina sera áhugaverda grein um føroyska
dansin.

Egil Bakka kemur at halda tveir fyrilestrar. Annar
hevur heiti: Færøysk dans i historisk perspektiv og hin eitur: Minder fra
indsamling på Færøyene på 1970 åra.

Eftir fyrilestrarnar verður farið upp á gólv.

Eftir fyrra fyrilesturin leggur Norðstreymoyar Dansifelag
fyri við Grettiskvæði. Dávur Emil Samuelsen Skipar.

Eftir seinna fyrilesturin verður tað Klaksvíkar
Dansifelag, ið leggur fyri við Ebbe Skammelsen. Leivur Jacobsen skipar.

Aftaná verður frítt at skipa.

Tiltakið er alment og
ókeypis.

 

Aftur í
ár skipar Tvøroyrar dansifelag fyri dansinátt á Seglloftinum. Tiltakið verður leygardagin
18. august og er kostnaðurin kr. 300 fyri hvønn. Tilmelding á tlf. 22 65 37.

Byrjað
verður kl. 19 við borðhaldi. Her er matarskrá við trimum rættum. Hentzar
og Terji spæla til borðhaldið. Drykkjuvørur kunnu keypast á Segloftinum.

 

Vinarliga

Tvøroyrar Dansifelag

 

Tvøroyrar dansifelag á Seglloftinum.

Tvøroyrar dansifelag skipar fyri dansinátt á Seglloftinum. Tiltakið kostar
300 kr. fyri hvønn og verður tað ein 3 rætturs menu við lambskjøtið sum
høvuðsrætti og drykkivørur gjalda fólk sjálvi. Tiltakið byrjar kl 19.00 tann 18
august. Tilmelding fer fram við at ringja á 226537. Gleða okkum at síggja nógv
dansifólk.

Vinarliga
Tvøroyrar dansifelag

 

Barnalandsdansistevnan
2018

Skrá
í Skopun

Felag	Kvæði
Dansifelagið í Havn	Brestiskvæði 1/2
Sumbiar Dansifelag	Santa Simeon
Leikum Fagurt	Mús uppá korn
Tøkum Lætt	Risin og kellingin
Vága Dansifelag	Per Jákup Mikael
Klaksvíkar Dansifelag	Eg átti mær ein ríkmann
Eysturoyar Dansifelag	Nykursvísu
Norðstreymoyar Dansifelag	Eg var boðin í brúdleyp

 

Barnalandsdansistevnan
2018

Skrá
í Dali

 

Felag	Kvæði
Dansifelagið í Havn	Harra Pætur og Elinborg 1/2
Sumbiar Dansifelag	Bjerget
Leikum Fagurt	Simundskvæði 1/3
Tøkum Lætt	Øskudólgur
Vága Dansifelag	Bjarnabana
Klaksvíkar Dansifelag	Ólavur Riddararós
Eysturoyar Dansifelag	Stolt Signhild
Norðstreymoyar Dansifelag	Kráka situr á steini

 

 

Barnalandsdansistevnan
2018

 

Yvirlit
yvir ferðatíðir við Teistanum

 

Sumbiar Dansifelag

Kl. 20.00: Av Gomlurætt  (fríggjakvøld)

Kl. 14.35: Úr Skopun

 

Dansifelagið í Havn, Tøkum Lætt,
Frískúlin á Velbastað og Vága Dansifelag

Kl. 07.25: Av Gomlurætt

Kl. 14.35: Úr Skopun

 

Klaksvíkar Dansifelag, Eysturoyar
Dansifelag og Norðstreymoyar Dansifelag

Kl. 08.45: Av Gomlurætt

Kl. 16.35: Úr Skopun

 

Føroyskur
dansur og kvæðamentan á Tingi

Í hesum døgum eru tvey mál, ið hava stóran áhuga hjá fólki, sum eru áhugaði í
føroyskum dansi og kvæðum til viðgerðar á Føroya Løgtingi.

Annað er um at seta UNECSO sáttmálan um verju av
siðaarvi í gildi fyri Føroyar, og hitt er um broyting í Fólkaskúlalógini at
javnseta undirvísing í føroyskum dansi og kvæðum við undirvísing í øðrum
lærugreinum.

Løgtingsmál 115/2017 hevur til endamáls, at seta í
gildi UNESCO sáttmálan um verju av siðaarvi heimsins.

Um orsøkina til uppskotið verður sagt: Víst verður á,
at siðaarvurin viknar í nógvum pørtum av heiminum í dag, og at margfeldið, sum
fyrr varð vart, nú kámast undir trýsti av m.ø. alheimsgerð. Størsta hóttanin
ímóti siðaarvinum er tó vantandi skipanir fyri vernd og varðveiting.

Soleiðis verður sagt um siðaarv: Siðaarvur er til
dømis skaldskapur av mannamunni, framburður, siðir og siðbundið handverk. Dømi
um siðaarv føroyinga eru føroyski dansurin, kvæðini, føroyskt bátasmíð og siðir
í sambandi við tilfeingi í sjógvi og á landi.

Sláið Ring – landsfelag føroyskum dansi at frama,
frøist yvir og sær stórar møgulleikar í uppskotinum um at taka undir við UNESCO
sáttmálanum.

Vit hava tó bitið merki í, at umrøddar verða
umsitingarligar avleiðingar, nevnd eru Fróðskaparsetur Føroya og
Mentamálaráðið, men livandi dansurin er ikki umrøddur í uppskotinum.

Hetta undrar okkum í Sláið Ring, tí tað er jú dansurin
– hin livandi parturin av kvæðamentanini – ið skal haldast og liva.

Vit rokna tó við, at hann verður tikin við í
viðgerðina og fær eitt gott pláss í arbeiðnum – at verja siðaarvin.

Løgtingsmál 107/2017 er um broyting av Fólkaskúlalógini.
Hetta uppskotið leggur upp til at strika stk. 3 í §8, sum sigur: Børn skulu, tá ið foreldrini krevja tað, sleppa undan
at luttaka í føroyskum dansi eftir stk. 1, nr. 1.

Sláið Ring sigur, at verður stk. 3.
strikað, verður undirvísing í føroyskum dansi og kvæðamentan javnsett við
undirvísingina í øðrum lærugreinum, og tað hevur hon uppiborið.

Samanumtikið staðfesta vit, at tvey sera áhugaverd mál um føroyskan dans og
kvæðamentan eru til viðgerðar á Føroya Løgtingi í løtuni.

Tað er okkara vón, at omanfyrinevndu mál fara at gera
sítt til, at føroyski dansurin og kvæðamentanin framhaldandi koma at vera ein
av gimsteinunum í føroysku mentanini – okkum til frama og at gagni.

Tórshavn, hin 6. apríl 2018

Sláið Ring
Rasmus Joensen, fm.

 

Innbjóðing
til Barnadansistevnuna 2018

 

Barnadansistevnan verður
í Sandoynni leygardagin 21. apríl 2018.

Ferðing:

Orsakað av
ferðasambandinum verður neyðugt at koma suður í trimum holdum. Teistin siglir 3
túrar um morgunin kl. 7.30, 8.30 og 9.45. Vit hava hugsað okkum at tey sum
búgva tættast við koma fyrsta túrin saman við suðuroyingum, tí tey gista í Havn
og skulu suðuraftur seinnapartin. Tá vit vita hvussu nógv koma frá hvørjum
felagið, leggja vit tað nærri til rættis.

Teistin siglir eisini
tríggjar túrar av aftur Sandoynni seinnapartin, men í skrivandi løtu er ikki
heilt greitt nær, í fyrsta lagi siglir hann kl. 14.00, men møguliga byrjar hann
eitt sindur seinni. Tey sum koma fyrst í oynna sleppa eisini fyrst avstað aftur
🙂 Tit frætta tíðirnar so skjótt vit vita, og SSL sigur at teir lýsa við tí á
heimasíðuni, tá avgerð er tikin.

Í
Skopun:

Í Skopun halda vit til í ungmannahúsinum
Samljóð. Tá tit koma til Skopunar verður morgunmatur at fáa. Tá tit hava fingið
ein bita fara vit upp á gólv. Tað sleppa 160 við Teistanum, so vit fáa ein
stóran ring.

Útferðir:

Tað verða tríggjar
útferðir, bólkarnir fara við bussum úr Skopun. Ein verður til Gívrinarspor, har
søgnin um gívrina verður fortald, hesin túrur er ætlaður yngstu børnunum. Ein
verður til Todnes, har søgnin um Kálv lítla verður fortald, hesin túrur er
ætlaður eldru børnunum. Seinasti túrurin verður til bóndagarðin í Uttastovu,
har børnini sleppa at síggja tað, sum er á einum bóndagarði, her er eingin
aldur settur á.

Døgurði:

Tá bólkarnir eru lidnir
við teirra útferðir, fara tey í ungmannahúsið Virkið á Sandi at fáa døgurða.

Í
Dali:

Tá bólkarnir eru lidnir
at eta í Virkinum, verða teir koyrdir til Dals við bussum. Í Dali verður dansa
og á borðinum verða køkur, saft, kaffi og te.

Heim
aftur:

Bussar koyra til
Skopunar, so tað passar við Teistan, tíverri vita vit ikki nágreiniliga hvat
klokkan, men tað kemur seinni.

Tilmelding:

Feløgini tilmelda við at
senda meyl til Hendrik Egholm adressan er: he@lv.fo í seinasta lagi leygarkvøldið 7. apríl.

Viðmerkið tal av
luttakarum og hvussu nógv fara til hvørja av teimum trimum útferðunum. Eisini
er gott um tit skriva eini tvey kvæði ella vísur, sum tit ætla at kvøða.

Tá tilmeldingarnar eru
komnar fáa tit boð um hvørjum túri hjá Teistanum tit skulu við um morgunin.

Eru spurningar, eru tit
vælkomin at ringja til Hendrik Egholm 290852

Við vón um góða undirtøku

Leikum Fagurt og Stígum
Fast