Category: Tíðindi

Sláið
Ring bjóðar í 35-ára føðingardagsveitslu 18 jan. 2014

Leygarkvøldið 18. januar 2014 kl. 19.00 bjóðar Sláið
Ring øllum kvæðaáhugaðum í 35-ára føðingardagsveitlsu. Føðingardagsveitslan
verður í Dansifrøi í Havn. Luttøkugjaldið fyri veitsluna er 250 kr. 

Tilmeldingin fer fram hjá dansifeløgnum kring landið. Dansifeløgini fara at hava ein tilmeldingarlista liggjandi frammi, so til ber hjá limunum at tekna seg til veitsluna við at skriva seg á listan. Tilmeldingarfreistin er 7. jan. 2014.

Dansifeløgini taka ímóti
luttøkugjaldinum á 250 kr  fyri hvønn luttakara,
og flyta síðani samlaða luttøkugjaldið til Sláið Ring í
síðsta lagi 10. jan 2014 og viðmerkja navn felagsins og tal av luttakarum.

Við vón um góða undirtøku

Vegna Sláið Ring

Jónleif Johannesen, form. 

Dansistovan í Sumba
100 ár

Leygardagin 2. november fóru vit 19 fólk frá Dansifelagnum á
Látrinum av Eiði og 15 frá Nólsoyar Dansifelag við Smyrli til Suðuroyar at
verða við til veitslu hjá Sumbiar Dansifelag, ið hátíðarhelt, at Dansistovan
fylti 100 ár.

Túrurin mundi verið av ongum, tí arbeiðssteðgur var
fráboðaður leygardagin, men tíbetur fyri okkum var hann útsettur. Veðrið um
Suðuroyarfjørð var av tí allarbesta, so ferðin gekk skjótt við práti og
hugleiðingum. Áðrenn vit vistu av, legði Smyril at og leiðin gekk til Sumbiar,
har vit fóru inn í Samkomuhúsið.

Her var dekkað til uml. 150 fólk og fremst á gólvinum stóð
búgvið borð, við alskins viðskera, so ilt var at fáa tølur á. Tíbetur høvdu tey
sett merki á rættirnar, so vit sóu hvat tað var.

Borðhaldið var sera gott. Fóru upp eftir tørni, at fáa okkum
av sjálvtøkuborðinum, og løgdu sjálvandi afturumaftur eina og tvær ferðir.
Sangurin var eisini av tí allarbesta. Sungið var av kraft og við yndi og kenslum,
og saman við góðum undirspæl, rann alt saman til eina berandi eind.

Undir borðhaldinum greiddi fyrverandi formaðurin í Sumbiar
Dansifelag Trygvi Thomsen frá um Dansistovuna. Heilsanir vóru bornar fram frá
Sláið Ring, dansifeløgunum í Suðuroynni og frá gestandi feløgunum.

Eftir borðhaldið varð farið niðan í Dansistovuna. Hugaligt,
at koma inn í húsið og kenna andan av dansi, stevi og søgu. Hóast húsið er
víðka, so er dansistovan har við síni sál. Hugsa tær til, at tú ert inni í hesi
stovu, har so nógv kvæði og vísur hava verið tikin gjøgnum hesi hundrað árini.
Hvørjar kenslur og tankar hava fólk gjørt sær í dansi hesi mongu árini. Jú,
Dansistovan er nakað serligt.

Dansifelagið á Látrinum legði fyri, síðani nólsoyingar og
seinast vertirnir. Dansurin var sera góður, fleiri kvæði og vísur, nógv fólk
uppí og hann slitnaði ikki alla náttina.

Fari at takka sumbingum fyri eina sera góða veitslu og
stóran blíðskap.

Rasmus Joensen, Dansifelagið á Látrinum.    

Í mai 2014 verður aftur Kvæðacruise á skránni. Ferðin, Kvæðacruise, kom í lag gjøgnum samstarv millum Sláið Ring og Smyril Line. Tiltakið hevur verið einaferð áður, og eydnaðist tað so mikið væl, at tað við tað sama var avgjørt, at hetta skuldi verða eitt afturvendandi tiltak.

Kvæðacruise ferðin 2014 verður 26. – 29. mai, og verður farið til Íslands. Kostnaðurin fyri ferðina er heilt rímuligur. 1.395 kr fyri hvønn um ferðast verður í býtiskamari við 4 koyggjum. Um ein ynskir 2- koyggjukamar er kostnaðurin 1.895 kr. fyri hvønn.

Túrurin er grundaður á føroysku kvæðini, og borðreitt verður við fyrilestrum og hugleiðingum um hesa serstøku mentan okkara. Í Íslandi verður møguleiki at fara útferðir og harmonikuspælarar verða við á túrinum.

Til kvæðacruise 2014 hevur Sláið Ring arbeitt við, at serliga tvey kvæði koma í hásætið. Tað eru Virgars kvæði og Kjartan Ólavsson. Túrurin hevur stóran áhugað millum kvæða áhugaði, so tað er at vera í góðari tíð og tekna seg til túrin. Eini 300 pláss eru avløgd fyri kvæða áhugaðar persónar.

Lesið annars meira á www.smyrilline.fo/kvadacruise

Jónleif Johannesen, form. Sláið Ring    

 Beint eftir heystfrítíðina fór Klaksvíkar Dansifelag undir dansiveturin. Barnadansurin, ið hevur verið sera væl umtóktur síðstu árini, hevur aftur í ár fingið góða undirtøk. Umleið 40 børn eru møtt hvørt kvøldið. Barnadansurin er sunnukvøld frá kl. 19.30 til kl. 20.30. Børnini í Klaksvíkar Dansifelag fara á Barnlek 2014, sum verður í Íslandi komandi ár. Sum nakað nýtt, er eisini barnadansur á Fossánesi hendan dansiveturin. Á Fossánesi dansa tey í skúlanum mánakvøld kl. 19.00 – 20.00.

Í ár hevur nevndin í Klaksíkar Dansifelag samtykt at skifa takið á Skálanum. Hetta er kostnaðarmikið og í tí sambandi hevur Dansifelagið eydnuhjól sunnudagin 17. nov kl. 16.00. Eydnuhjólið verður merkt av árstíðini og millum vinningarnar er nógv ræst kjøt.

Nevndin í Klaksvíkar dansifelag er í løtuni hendan:

Heini Mohr, form.

Arni Sólheygg, næstform.

Elin Syderbø, kassameistari

Jóneif Johannesen, skrivari

Brynjálvur Sigurðsson, nevndarlimur

Skráin fyri dansiveturin er løgd, og er hon at finna her á heimasíðuni undir limafeløg. Skráin inni heldur bæði lættari og tyngri tilfar, umframt útferðir, veitslur, rivjakvøld, almennan dans og kvæðaupptøkur.

           Jónleif Johannesen, skrivari í Klaksvíkar Dansifelag 

Útvarpsparturin í Kringvarpinum við Jóhann Mortensen á odda hevur stórt rós
uppiborið fyri sendingarnar Dansi val.

Sendingarnar geva dansifólki møguleika at lurta eftir kvæðum
og vísum úr kvæðasavni útvarpsins. Kvæðini og vísurnar eru valdar eftir ynski
frá kvæðaáhugaðum fólki runt alt landi. Hetta er ein avbera góður leystur.  Eisini gevur sendingin okkum møguleika at
hoyra, hví gestirnir velja hesi kvæði og vísur, umframt at sendingin gevur
gestunum høvi at siga nøkur orð um sínar kvæðaupplivingar og tankar. Sendingin
er áhugaverd, gevandi og beinleiðis í trá Public Service sáttmála
Kringvarpsins. Sendingarnar eru eisini lagdar út á heimasíðuna kvf.fo, og gevur hetta okkum møguleika at lurta eftir sendingin nær tað skal vera. Óført.

Enn manglar ein týðandi partur, tað er kvæðaupptøkur, men sum
skilst á lagnum, arbeiðir Kringvarpið eisini við hesum partinum.

Tá kringvarpið í verki vísir, at menturnararvur okkara,
kvæðini og føroyski dansurin, verður raðfestur, eiga vit, sum eru í
dansifeløgunum at spenna okkum út og taka væl ímóti møguligum fyrispurningum um
kvæðaupptøkur. Tað er av týdningi, at vit á hvørjum ári leggja avtrat
kvæðasavni Kringvarpsins, so menturnararvurin áhaldandi kann vera ein livandi
arvur, okkum øllum at frama.

Mangan hevur verið illneitast inn á Kringvarpið vegna
væntandi raðfesting, men við sendingunum Dansi val livir útvarpsparturin í Kringvarpinum upp til
sín ásettað leiklut. Tí eiga vit at leggja glepsini til síðis og heldur lofta og
stuðla tí arbeiði, sum Kringvarpið ger í løtuni.

Stóra tøkk fyri fyri góðu sendingarnar, ið ríka og menna
mentan okkara.

Jónleif Johannesen, formaður í Sláið Ring

Ársaðalfundurin hjá Dansifelagnum í Havn verður í Hornahúsunum fríggjakvøldið 25.
oktober 2013, kl. 21:00. Á fundinum er møguleiki at skriva seg upp til
at skipa í vetur. Bræv við
skrá og evnum verður sent limum felagsins – nýggir limir eru eisini
vælkomnir at tekna seg. Aftaná fundin plaga vit at fara upp á gólv. Tá
skráin fyri veturin er liðug verður hon løgd út her á síðuni undir Dansifeløgini > Dansifelagið í Havn umframt á http://www.facebook.com/danshavn

Aftur í ár skipar Dansifelagið í Havn fyri barnadansi í Norðurlandahúsinum fríggjakvøld í dansitíðini. Fyrsta kvøldið dansað verður, er fríggjakvøldið 11. okt., kl. 20:00.

Øll eru vælkomin, og tiltakið er ókeypis.

Eingi nøvn eru sett fyri, hvør skipar, men ætlanin er, at bæði børn og vaksin skipa tað, tey hava hug til. Hevur onkur hug at skipa, er bert at siga frá, eisini um tað er okkurt, sum ikki stendur í skránni ella í heftinum. Onkutíð hevur onkur fólkaskúlalærari tikið skúlaflokk við, og hevur tað eisini riggað væl.

Vegleiðandi skrá fyri veturin:

Fríggjakvøldið 11. oktober, kl. 20:00:

Eingin skrá

Fríggjakvøldið 18. oktober: Heystfrí

Fríggjakvøldið 25. oktober, kl. 20:00:
Ormurin Langi, Regin Smiður, Harra Pætur og Elinborg, Kall og svein ungi, Jákupsa skegg, Torkils døtur, Hørpuríma, Øskudólgur og Sópingarkona, Burtur á heiði, Veturin kom

Fríggjakvøldið 1. november, Allahalganna dagur – eingin dansur.

Fríggjakvøldið 8. november, kl. 20:00:
Leivur Øssursson, Brúsajøkil, Mallebro, Kall og svein ungi, Hr. Sinklar, Flóvin Bænadiktsson, Øskudólgur og Sópingarkona, Burtur á heiði, Veturin kom

Fríggjakvøldið 15. november, kl. 20:00:
Ormurin Langi, Regin Smiður, Harra Pætur og Elinborg, Kall og svein ungi, Jákupsa skegg, Torkils døtur, Hørpuríma, Øskudólgur og Sópingarkona, Burtur á heiði, Veturin kom

Fríggjakvøldið 22. november, kl. 20:00:
Brestis kvæði, Runtsivalsstríðið, Ólavur Riddararós, Kongaríkið í Bábylon, Sigmunds kvæði yngra, Gudbrands kvæði, Fípan fagra, Øskudólgur og Sópingarkona, Burtur á heiði, Veturin kom

Fríggjakvøldið 29. november, kl. 20:00:
Leivur Øssursson, Brúsajøkil, Mallebro, Kall og svein ungi, Hr. Sinklar, Flóvin Bænadiktsson, Øskudólgur og Sópingarkona, Burtur á heiði, Veturin kom

Fríggjakvøldið 6. desember, kl. 20:00:
Ormurin Langi, Regin Smiður, Kall og Svein ungi, Øskudólgur og Sópingarkona, Burtur á heiði, Veturin kom
Vit dansa jólatræ

Jólafrí

Fríggjakvøldið 3. januar, kl. 20:00:
Ormurin Langi, Regin Smiður, Harra Pætur og Elinborg, Kall og svein ungi, Jákupsa skegg, Torkils døtur, Skt. Simeon, Øskudólgur og Sópingarkona, Burtur á heiði, Veturin kom

Fríggjakvøldið 10. januar, kl. 20:00:
Brestis kvæði, Runtsivalsstríðið, Ólavur Riddararós, Kongaríkið í Bábylon, Sigmunds kvæði yngra, Gudbrands kvæði, Sankta Mortan, Øskudólgur og Sópingarkona, Burtur á heiði, Veturin kom

Fríggjakvøldið 17. januar, kl. 20:00:
Leivur Øssursson, Brúsajøkil, Mallebro, Kall og svein ungi, Hr. Sinklar, Skt. Simeon, Øskudólgur og Sópingarkona, Burtur á heiði, Veturin kom

Fríggjakvøldið 24. januar, kl. 20.00:
Ormurin Langi, Regin Smiður, Harra Pætur og Elinborg, Kall og svein ungi, Jákupsa skegg, Skt. Mortan, Hørpuríma, Øskudólgur og Sópingarkona, Burtur á heiði, Veturin kom

Fríggjakvøldið 31. januar, kl. 20:00:
Brestis kvæði, Runtsivalsstríðið, Ólavur Riddararós, Kongaríkið í Bábylon, Sigmunds kvæði yngra, Gudbrands kvæði, Fípan fagra, Øskudólgur og Sópingarkona, Burtur á heiði, Veturin kom

Fríggjakvøldið 7. februar, kl. 20:00:
Leivur Øssursson, Brúsajøkil, Mallebro, Kall og svein ungi, Hr. Sinklar, Flóvin Bænadiktsson, Øskudólgur og Sópingarkona, Burtur á heiði, Veturin kom

Fríggjakvøldið 14. februar, kl. 20:00:
Ormurin Langi, Regin Smiður, Harra Pætur og Elinborg, Kall og svein ungi, Jákupsa skegg, Torkils døtur, Hørpuríma, Øskudólgur og Sópingarkona, Burtur á heiði, Veturin kom

Fríggjakvøldið 21. februar, kl. 20:00:
Brestis kvæði, Runtsivalsstríðið, Sigmunds kvæði yngra, Øskudólgur og Sópingarkona, Burtur á heiði, Veturin kom
Seinasta dansikvøld

Dansur í Hornahúsunum
Vanliga verður dansað í Hornahúsunum fríggjakvøld kl. 22 (aftaná barnadansin) – fyrstu ferð 25. oktobur. Vaksin og ung (yvir 14 ár) eru vælkomin at luttaka hesi kvøldini. Vegleiðandi skrá fyri kvøldini verður at finna á facebooksíðuni hjá Dansifelagnum: www.facebook.com/danshavn síðst í mánaðinum.