Við hesum verður boðað frá, at aðalfundurin hjá Sláið Ring verður leygardagin 12. septembur 2020 kl. 12:00.
Aðalfundurin verður í U407 á 4. hædd í Sjóvinnuhúsinum, Vestara bryggja, Tórshavn.
Fundarskráin verður sambært lógum felagsins, og harumframt hava feløgini møguleika at senda uppskot um mál, ið tey vilja hava viðgjørd.
Mál frá feløgum
Mál, ið feløg vilja hava til viðgerðar á aðalfundinum skulu vera nevndini í hendi í seinasta lagi leygardagin 29. august 2020.
Fundarskrá til ársaðalfundin
Val av orðstýrara og fundarskrivara.
Ársfrágreiðing.
Framløga av grannskoðaðum roknskapi til góðkenningar.
Viðgerð av innkomnum málum.
Ásetan av limagjaldi fyri komandi árið.
Val av nevnd og tiltakslimum.
Val av grannskoðara.
Ymiskt.
Skrá fyri aðalfundin og nærri kunning verður send fyrst í september – tó kunnu vit longu nú avdúka, at eitt mál á skránni verður støðan við COVID-19 og dansinum í heyst. Samstundis verður kunnað um, hvussu verður við ætlaðu kvæðastevnuni í Norðurlandahúsinum 12. september 2020.
Tórshavn, hin 5. august 2020, Gunnar Restorff, fm. Sláið Ring
Leygardagin 8. februar skipaði ungdómsfelagið fyri føroyskan dans Ung í dansi fyri Upp á stovugólv fyri triðju ferð. Fyrstu ferð var í Dali í 2017 og aðru ferð í Funningi í 2018. Ætlanin var at hava tiltakið í Tjørnuvík í fjør, men tað varð av ongum, so tað bleiv í ár í staðin. Eg havi verið við allar tríggjar ferðirnar, og tað blívur bara betri og betri.
Tiltakið varð skipað eftir sama leisti sum hini árini. Fyrst húsagongd í trý hús, uml. ein tíma í hvørjum. Tilmelding er neyðug til tað, soleiðis at bólkarnir av fólki vera passaligir. Hetta tiltakið krevur, at trý fólk í bygdini eru við uppá at fáa innrás í sítt heim, og at tey brúka okkurt, sum tey vita um kvæðir og kvøðing ella seta seg inn í okkurt at fortelja fyri gestunum. Aftaná er almennur dansur í onkum egnaðum høli, har øll eru vælkomin.
Vertirnir hesaferð vóru Hans Esbern Heinesen, Steinbjørn Magnussen og Jens Jensen. Hans Esbern og Steinbjørn eru báðir úr Tjørnuvík, og vit kenna teir sum aktivar limir og skiparar í Norðstreymoyar dansifelag. Jens er úr Klaksvík, men hevur búð í Tjørnuvík í nógv ár.
Tað var áarføri, tá vit komu til Tjørnuvíkar stutt áðrenn kl. 18 leygarkvøldið, tá tiltakið skuldi byrja. Tey, sum høvdu meldað seg til húsagongd, møttu øll í bygdarhúsinum, har Ólavur Syderbø, formaður í Ung í dansi, bjóðaði vælkomin og býtti hópin í tríggjar bólkar.
Okkara bólkur fór inn til Hans Esbern fyrst. Hann býr í barnaheiminum í Tjørnuvík. Hetta eru eini lítil, eldri hús, har hansara forfedrar hava búð í nógv ættarlið, og umstøðurnar gjørdu, at tað var ikki møguligt at fara upp á gólv. Ístaðin gjørdi Hans Esbern, sum hevði valt sær Jephta vísu at fortelja um, tað, at hann las tað pettið úr gamla testamenti, sum fortelur um Jephta og dóttir hansara. Síðani fingu vit hvør sítt ark við Jephta vísu og sungu/kvóðu hana sitandi. Tað, sum Hans Esbern visti um, er ikki skikkur, at kvøða hesa vísuna á gólvi. Ein sera góð uppliving.
So fóru vit inn til Steinbjørn. Fyrst fortaldi hann frá, hvussu hann minnist dansin í Tjørnuvík, tá hann var barn. Serliga vóru tað pápi hansara og ein annar maður, sum skipaðu. Eisini fortaldi hann, hvussu hann kýtti seg at lurta eftir, tá føroyskur dansur var í útvarpinum, sum tá var nýtt, tí signalið var so vánaligt í Tjørnuvík. Hann segði, at føroyski dansurin í Tjørnuvík doyði burtur, tá tað bleiv koyrandi til Víkar. Hann fortaldi okkum um Sigmunds kvæði, yngra, sum hann skipar so meistarliga; eingin ger tað betri. Eitt sindur av práti bleiv um hetta at skifta niðurlag í einum kvæði, sum ofta verður gjørt í Sigmunds kvæði. Vit fóru upp á gólv og kvóðu nakað av hesum kvæði. Vit skiftu niðurlag tvær ferðir.
So fóru vit inn til Jens, sum ikki er aktivur í nøkrum felagi. Hann dansaði nakað í Danmark, meðan hann lærdi til politist. Hann hevur í nógv ár fortalt um dans og kvøðing í samband við føroyakvøld á Gjáargarði, og so verður farið uppá gólv við gestunum eisini. Hann fortaldi okkum um forfedrarnar hjá konu síni og um húsini, sum tey búgva í. Vit kvóðu ”Tá eg verði stórur” inni hjá Jens.
Síðani fóru tey, sum høvdu verið húsgongd, í bygdarhúsið at eta. Nakað av fólki kom afturat til almenna dansin, sum byrjaði kl. 22.
Nevndin í Ung í dansi hevur saman við Gunnari Restorrf, formanni í Sláið Ring, avgjørt, at tiltøk hjá ungdómsfelagnum Ung í dansi, skulu vera rúsfrí – soleiðis varð eisini við Upp á stovugólv, hóast hetta er alment tiltak fyri allar aldursbólkar. Skilagott. Øll skulu kunna lata síni hálvvaksnu børn koma til tiltøkini hjá Ung í dansi uttan at vera bangin fyri, at har er ov nógv rúsdrekka. Tað er ein góð strategi, tá vit hugsa um at seta við.
Dansurin í bygdarhúsinum var góður. Bæði hálvlong kvæði og vísur og nógv av lættari vísum var at hoyra, og so kvóðu tey ungu ”Gubbi og eg”, sum riggar væl til stev. Jú, tað merktist, at eitt nýtt ættarlið ger vart við seg í føroyskum dansi.
Eg vóni hetta góða nýbrotið í føroyskum dansi, sum Uppá stovugólv er, kann vera framyvir, tí hetta er virkuliga gott. Tað er nóg mikið av kvøldum við bara dansi, meðan vit her fara afturum kvæðini.
Tað er so skjótt at brúka nógvar bygdir, tá tiltakið er á hvørjum ári, so kanska er annaðhvørt ár vert at hugsa um. Eg gleði meg til næsta ár.
Fyri nevndina hjá Sláið Ring, Kathrina.
Jens Jensen greiðir frá um Føroyakvøld á Gjáargarði, og um dans í familjuni hjá konuni í Tjørnuvík
Steinbjørn Magnussen greiðir frá um dans í Tjørnuvík og um Sigmunds kvæði, yngra
Síðani fáa tit eitt leinki frá viðkomandi til at melda tykkum til sum luttakari hjá viðkomandi dansifelagi.
Um onkur ikki hoyrir til nakað av hesum feløgum, so kunnu tit kontakta Gunnar Restorff (tlf. 292563 ella gunnarr@setur.fo), so finna vit útav at tit luttaka sum partur av einum av nevndu feløgum.
Vegleiðing til tilmelding
Síða 1
Her skulu tit fylla inn fornavn, eftirnavn og teldupost hjá luttakaranum.
Síða 2
Her skulu tit fylla inn bústað, telefon, kyn og føðingardag hjá luttakaranum. Tit velja sjálvandi Färöarna sum land, um tit búgva í Føroyum (tey, sum hava meldað til áðrenn Føroyar kom á listan, skulu einki gera við tað).
Síða 3
Her er nógv at fylla út. Alt eftir hvat verður krossað av, so koma nøkur eyka felt at fylla út. Her verða høvuðsyvirskriftirnar viðgjørdar.
Jag anmäler mig som:
Her skulu tit velja eitt ella fleiri av dansare, ledare, språkambassabör og/ella other.
Dansare: Øll børn/ung millum 8 og 16 skulu melda seg sum dansare. Um onkur er nakað undir ella yvir hetta markið, men ætla sær at vera aktiv í dansunum, so kunnu tit eisini fylla hetta út.
Ledare: Tey sum eru eldri enn 16 kunnu virka sum hjálparleiðarar – um so er, so verður hetta fylt út.
Språkambassadör: Hetta eru vanliga vaksin fólk, ið vilja hjálpa børnum at týða millum nøkur av málunum svenskt, danskt, finskt, íslendskt, norskt, enskt, føroyskt og/ella grønlendskt (og møgulig onnur mál). So fær viðkomandi eitt serligt spjaldur, so børn síggja, at til ber at heita á hesi um hjálp at týða millum ávís mál. Vit vilja heita á vaksin, ið halda seg til týða millum mál og ikki hava ov nógvar aðrar uppgávur, um at melda seg.
Other: Her ber til at skriva annað, t.d. foreldur, ommur, abbar ella systkin, ið eru ov ung at dansa.
Tillsammans i Norden:
Hetta er fyri ung fødd millum 2003 og 2007. Her skulu nøkur hava eina dansiframførslu av fólkadansum til endahátíðina leygarkvøldið. Hetta krevur venjingar 2 ferðir hósdag, 2 ferðir fríggjadag umframt aðalroynd leygardag og sjálvandi framførslu leygarkvøldið. Um onkur tímir serliga væl fólkadans ella at spæla fólkatónleik, so er hetta ein møguleiki – men gevið gætur, at hetta sjálvandi kann ávirka møguleikar hjá viðkomandi at luttaka í øðrum aktivitetum, tí til ber bert at vera á einum staði í senn 🙂 Lesið meiri her: Tillsammans i Norden.
Logi:
Önskar logi innan BARNLEK 2020 startar: Her skulu tey flestu velja “2 extra nätter” (um tit koma til Mölnlycke mánadagin 13. juli). Summi koma tó t.d. týsdag, tí tey koma við Norrönu, so skulu tey sjálvandi velja 1 eyka nátt.
Önskar hyra luftmadrass: Um tit ikki hava egna madrass ella líknandi, so kunnu tit leiga luftmadrassu. Av royndum hevur tað víst seg, at vera eitt gott hugskot at taka eitt faconlak við, tí so er behagiligari at liggja á madrassunum og tær larma minni. Vit hava í prísinum gingið út frá at fólk leiga luftmadrassu.
Önskar hyra kudde och täcke: Tit kunnu leiga kodda og dýnu, men so skulu tit vistnokk hava seingjarklæði við sjálvi. Vit hava í prísinum gingið út frá, at fólk hava soviposa við, men tit kunnu sjálvandi leiga kodda og dýnu, um tit ynskja tað – tað kostar 100 svenskar krónur eyka.
Måltider:
Behöver du specialkost? Her kunnu tit siga frá, um tit hava tørv á serligum mati.
Önskemål av måltider innan BARNLEK 2020: Her vilja vit ráða øllum føroyingum, sum koma áðrenn stevnan byrjar mikudagin at siga Ja. Tey, sum koma við felags bussinum mánadagin skulu síðani velja (tey sum koma seinni, velja sjálvandi tilsvarandi minni):
Måndag – Middag (nátturði)
Tisdag – Frukost (morgunmatur)
Tisdag – Lunch (døgurði/frokost)
Tisdag – Middag (nátturði)
Onsdag – Frukost (morgunmatur)
BARNLEK 2020-artiklar:
Storlek på T-shirt: Ein Barnlek 2020 T-shirt er við í stevnugjaldinum. Vegleiðing um støddir við meiri finst her: Barnlek 2020 produkter. Gevið gætur, at har er ein støddarvegleiðing til børn (måttlista barnstorlekar), ein til menn (måttlista herrstorlekar) og ein til kvinnur (måttlista damstorlekar).
Onnur produkt: Til ber at keypa/bíleggja eyka T-shirts, keppar, vatndunkar, termokrúss. Hetta er ikki við í prísinum, og kemur omaná.
Allergi: Um allergi ella onnur ting eru, ið fyriskiparar eiga at vita um og møguliga taka atlit til, so kunnu skriva hetta her.
Síða 4
Her kunnu tit skriva einhvørja viðmerking til skrásetingina, eisini kunnu tit skriva ein eyka teldupost inn, um tit vilja hava bíleggingina senda til tveir ymsar teldupostar.
Stevnan verður í bygdarhúsinum í Miðvági 15. februar 2020 kl. 10-15. Skráin er løgd við her, men heitt verður á feløgini um at hava okkurt annað at skipa, tá glopp eru í skránni og orðið er frítt.
Útferðin er gongutúrur har í grannalagnum, so gott er, at vera latin í til veðrið. Feløgini avtala um buss við Andreas Sigurstein, sum samskipar busskoyringina.
Í ár skipar Ung í Dansi aftur fyri Upp á stovugólv, sum verður tann 8. februar 2020. Hesaferð verður tiltakið í Tjørnuvík og vertirnir verða Hans Espern Heinesen, Steinbjørn Magnussen og Jens H. Jensen.
Tiltakið verður í Tjørnuvík, og tað fer at ganga nakað soleiðis fyri seg:
Fólk koma til Tjørnuvíkar, har tey verða býtt upp í tríggjar bólkar.
Hesir bólkar fara so í hvørt sítt hús, har ein vertur er í hvørjum húsi. Vertirnir greiða so frá onkrum kvæði, vísu ella tátti, sum tey hava valt og aftaná verður tað (ella bara eitt brot av tí) kvøðið í húsinum. Síðan rotera bólkarnir.
Tað verður 1 tími í hvørjum húsi.
Byrjað verður kl. 18:00. Og húsavitjanirnar enda kl 21:00. Síðan verður okkurt at eta og drekka niðri í bygdarhúsinum og eisini verður skipað fyri almennum føroyskum dansi kl. 22:00.
Tað er avmarkað pláss í húsunum, tí er neyðugt við tilmelding. Hetta verður gjørt við at ringja ella skriva til ein av hesum:
Til tann almenna føroyska dansin, ið verður í bygdahúsinum aftaná, eru øll hjartaliga vælkomin og her er ikki neyðugt við tilmelding. 💰Kostnaður fyri tiltakið og dans er kr. 100. 💰Kostnaður fyri almennan dans er kr. 50. Her er suppa við í prísinum, og so verður ymiskt at drekka til sølu.
Barnlek 2020 verður
í Mölnlycke í Svøríki í døgunum 15.-19. juli 2020. Hetta er
norðurlendsk dansistevna fyri børn og ung – málbólkurin eitur
8-16 ár, men vanligt er at eisini ung upp í mitt í 20-uni eru við
– lesið meiri á https://barnlek2020.se
Føroyska ferðalagið
samlast eftir ætlan í Mölnlycke 13. juli, soleiðis at vit
kunnu hava nakrar dagar saman, har vit læra hvønn annan at kenna,
venja saman og t.d. fara onkra útferð, áðrenn sjálv stevnan
byrjar. Vit fara úr Mölnlycke aftur 19. juli.
Sláið Ring samskipar ferðina úr Kastrup til Mölnlycke aftur til Kastup. Farið verður við bussi úr Kastrup mánadagin 13. juli, soleiðis at til ber hjá fólki at koma til Kastrup við fyrsta flogfarinum hjá Atlantsflogi 13. juli og fara beint við bussi. Farið verður úr Mölnlycke sunnudagin 19. juli soleiðis at til ber at fara til Føroya við seinasta ella næstseinasta flogfari hjá Atlantsflogi til Føroya handan dagin.
Kostnaður fyri stevnuna
Vit hava mett um kostnaðin og rokna við at hetta kemur at halda.
Bussur, Kastrup-Mölnlycke t/r
DKK 500,00
Stevnugjald, SEK 2.000
DKK 1.400,00
Eyka uppihald og matur, 13.-15. juli, SEK 440
DKK 320,00
Luftmadrassur
DKK 140,00
Til samans
DKK 2.360,00
Herav verður stuðul til børn og ung undir 30 ár
DKK 1.500,00
Sostatt er kostnaðurin fyri alla stevnuna fyri børn og ung einans uml. kr. 860,00. Hesin stuðul er frá Sláið Ring, Ung í Dansi og FUR. Eisini hava lokal dansifeløg møguleika at savna pening og søkja stuðul frá kommunum o.t.
Individuellar útreiðslur
Av tí at summi vilja vitja familju og onnur í Danmark áðrenn ella aftaná stevnuna, summi vilja leingja stevnuna til eina familjuferiu í Danmark og onnur individuel ynski, so er avgjørt, at hvør einstakur ferðandi sjálvur (ella hvørt einstakt felag) syrgir fyri ferðing úr Føroyum til Kastrup og úr Kastrup til Føroya. Til ber at keypa Sveiggj-ferðaseðlar heilt niður í uml. 1.100 aftur og fram, um man er í góðari tíð. Sláið Ring hevur bílagt eina bólkaferð til 60 luttakarar við fráferð úr Vágum mánamorgun 13. juli og komu aftur í Vágarnar sunnukvøldið 19. juli. Kostnaðurin fyri hesa ferð er kr. 1.815 aftur og fram. Tey, ið fyrst umbiðja hesi pláss, fáa tey. Setið tykkum í samband við Hildur Kruse Sørensen (tlf. 220659 ella hildurks@hotmail.com).
Tilmelding
Tilmelding skal gerast áðrenn 15. mars 2020. Kontaktpersónar fyri ymsu dansifeløgini eru niðanfyri – er einki dansifelag nevnt í tykkara nærøki, so kunnu tit seta tykkum í samband við Gunnar Restorff (tlf. 292563 ella sr@sr.fo) – tað eru nevniliga eisini fólk úr øðrum enn nevndu feløgum, ið luttaka.
Vit fara at møtast nakrar ferðir í vár at venja føroyskan dans/kvæði, føroysk dansispøl og samdansir hjá øðrum londum. Lív Vilhelmsen fer at samskipa hetta – nærri kunning kemur seinni.
Nýggjársdansur verður í Dali 01. januar 2020 kl. 18.30. Teistin fer av Gomlurætt kl. 17:20 og úr Skopun kl.22:30. Bussur koyrir í samband við tiltakið. Suppa, kaffi/te er íroknað prísin. Kosnaður 100 kr.
MÁLSTOVA – KONSERT – DANSUR. Á Hotel Tórshavn 15. og 16. november 2019.
Í døgunum 15. og 16. november skipar norðurlendska netverkið “Erotisk folkediktning i Norden” fyri málstovu á Hotel Tórshavn. Har fara bæði føroyskir og norðurlendskir granskarar at skifta orð um erotisk drøg í skaldskapi á mannamunni, bæði í kvæðum og frásagnum. Málstovan, konsertin á háskúlanum fríggjakvøldið 15. november og dansurin í Hornahúsunum leygarkvøldið kl. 21 eru almenn og ókeypis.
Skrá
Fríggjadagin 15. november 15.30–17.00 Seminar á Hotel Tórshavn 15.30–15.45 Velkomst v/ Prosjektgruppa 15.45–16.00 Tóta Árnadóttir (FO): “Om erotisk folkedikting i Færøyske samlingar” 16.00–16.30 Malan Marnersdóttir (FO): “Sagn genopstår som erotisk fortælling” 16.30–17.00 Katrin Jacobsen (FO): “Om det færøske eventyr Vetil Kongasonur”
20.00–22.00 Konsert og frásøgukvøld við heitinum ástarkvæði og ónærisligar søgur . Føroya fólkaháskúli. Sangarar: Kata (FO), Kári Sverrisson (FO), Jimmy Träskelin (FI), Ingibjörg Eyþórsdóttir (IS), Pétur Húni Björnsson (IS), Elfi Sverdrup (NO), Ola Graff (NO). Frásøgufólk: Hedvig Westerlund-Kapnas (FI/FO), Annemarie Krarup (DK).
Leygardagin 16. november 09:30–17.00 Seminar á Hotel Tórshavn 09.30–10.00 Ola Graff (NO): “Det samiske solsymbolet -– et erotisk symbol?” 10.00–10.30 Pétur Húni Björnsson (IS): “Eufemismer og tilsløring – Erotik i islandsk rímur” 10.30–11.00 Kirsten Brix (FO): “Hindar ríma – Analyse af stilelementer og motiver” 11.00–11.30 Kaffepause 11.30–12.00 Ingibjörg Eyþórsdóttir (IS): “Erotik og vold i islandske ballader” 12.00–12.30 Turið Sigurðardóttir (FO): “Når mænd elsker. Ánanias visen i datidens øjne og vores” 12.30–13.30 Lunsj 13.30–14.00 Brynhild Kamban (FO): “Brynhilde og Sigurd i Brynhildar táttur (Brynhildes Qvad)” 14.00–14.30 Gunilla Byrman (SE): “Kvinnlig, manligt och ständiga trätor : Småländska balladsångerskor och deras repertoar” 14.30_15.00 Petri Hoppu (FI): “Erotisk dans i finsk tradisjon” 15.30–16.00 Andrea Susanna Opielka (DE): “Erotiske aspekter i den færøske dans og i dansestuen” 16.00–17.00 Nettverkssamling Oppsummering. Evaluering. Nettverkets framtid
21.00–22.00 Almennur føroyskur dansur í Hornahúsunum.
Fullfíggjað skrá fyri tiltakið er í hesum pdf-skjali:’
Verkætlanin Erotisk folkedikting i Norden – Seminar og nettverk 2017–2019 er fyriskipað við stuðli frá Nordisk Kulturkontakt, Nordisk Kulturfond og Norsk Kulturråd.
