Dansur á Sandi 3:8

Dansur á Sandi 3:8 úr røðini »Egil Bakka 1977: føroysk dansispøl • føroyskur dansur«

Í triðja parti í røðini »Egil Bakka 1977: føroysk dansispøl • føroyskur dansur«, ið hevur heitið »Dansur á Sandi«, síggja vit filmsupptøkur heiman av Sandi, ið vórðu upptiknar í Virkinum á Sandi í 1977, og vit hoyra frágreiðingar frá Mortan í Skálanum (Mortan Mikkelsen) og Janus hjá Sørini (Jens Sørensen) um dans og dansispøl í Sandoynni fyrr umframt eina nýggjari samrøðu við Elinborg Simonsen, ið siga frá um føroyskan dans og dansispøl á Sandi, tá hon var ung.

Við á upptøkunum heima á Sandi: Elinborg Simonsen og Mortan í Skálanum, Bodil Davidsen og Sólvit Simonsen, Ata Rasmussen og Martin Madsen, Martina Olsen og Tórur Johannesen, Lis Djurhuus og Jóan Petur undir Skarði, Elsa Petersen og Marius á Klettum, Unni Hentze og Jóan Petur Hentze, Ásla Klementsen og Petur Klementsen, Paula Olsen og Torstein Holm, Beggan Clementsen og Leivur Rasmussen, Lorain Simonsen og Herbjørn Simonsen, Oddvør Johannesen og Jóanes Johannesen..

Niðanfyri eru myndir frá venjingini til upptøkurnar, og tá sendingin hevur verið víst í KvF, verður hon løgd út her. Eisini verða allir dansirnir og allar samrøðurnar frá 1977 løgd út her einsæris.

Á Sandi vórðu upptøkur gjørdar av tíggju dansum:

  • Fýra innaní, Masøren han drager sit røde guldbånd, Mortan í Skálanum skipar.
  • Sandoyardansur, Flóvin Bænadiktsson, Martina Olsen skipar.
  • So vakrar moyggjar, føroyskur dansur (barnadansur).
  • Eitt var eitt útskot, barnasangleikur.
  • Spenna upp á spora.
  • Slippudansur, Norden for Trondhjem, Martina Olsen skipar.
  • Bandadansur, Hørpu ríma, Sólvit Simonsen skipar.
  • Hollendarin, De hollandsmænd, Mortan í Skálanum skipar; líknilsi úr “Den sømand er så lidet…”, Mortan í Skálanum og Paula Olsen skipa; líknilsi úr “Hjalmar og Hulda”, Martin Madsen og Ata Rasmussen.
  • Gamla keta, Mallebro.

Hvørt dansispæl av Sandi verður lagt niðanfyri einsæris umframt samrøðurnar við Mortan í Skálanum og Janus hjá Sørini, tá sendingin er send í KvF.

Sendingin »Dansur á Sandi«, 3. partur í røðini »Egil Bakka 1977: føroysk dansispøl • føroyskur dansur«

Einstøku dansispølini og samrøðurnar frá 1977

Undirmenu