Barnadansistevna í Havn  11. februar 2017  –  at
seta við….

Hetta er
fimtu ferð at barnadansistevnan er í høvuðsstaðnum. Tær báðar fyrstu barnadansistevnurnar,
sum Dansifelagið í Havn skipaði fyri, vóru á Háskúlanum í 2004 og 2005.  Í 2011 tók Tøkum Lætt sær av stevnuni, meðan
Rasmus skipaði fyri 10. stevnuni, sum var í Norðurlandahúsinum í 2013.
Dansifelagið í Havn og Tøkum Lætt hjálptu til. Í ár skipaðu Dansifelagið í Havn
og Tøkum Lætt fyri í felag,  og tað
riggaði stak væl. Dansur og drekkamuður vóru í Sjónleikarhúsinum, og vit fingu
døgurða í KFUM. Tað bar væl til, tí tað er stutt at ganga ímillum. Hesaferð
fingu vit sodavatn, sum Føroya Bjór hevði latið til stevnuna. Tað er spennandi
at koma á stevnu hvørja ferð, tí hóast skipaðar eftir sama leisti, so eru
stevnurnar kortini so ymiskar alt eftir umstøðum og møguleikum á staðnum.

Hesaferð
vóru tvær útferðir at velja ímillum – Kringvarpið og Brandstøðin. Vit í
Eysturoyar dansifelag sluppu í Kringvarpið saman við m.a. Leikum Fagurt. Johan
Mortensen, sum í fleiri ár hevur havt sendingina “Dansival” í útvarpinum
hóskvøld í dansitíðini, var bæði blíður og týður. Vit byrjaðu har, sum
sjónvarpsupptøkurnar til “dag og viku”, “3-2” og “Gekk” verða sendar. Gekkahjólið
fekk av at vita frá børnunum. So sluppu vit eisini inn hagar, sum beinleiðis
útvarp verður sent. Johan segði okkum, at uml. 80 fólk arbeiða í kringvarpinum,
sum nú alt er undir einari lon. Tey, sum vóru á brandstøðini, lótu eisini væl
at.

Dansurin gekk
væl. Væl klárað, at uml. 400 fólk kunnu dansa við sama stevi so leingi. Vit
kvóðu eftir raðfylgju, sum var gjørd frammanundan. Haldi kortini, at børnini
skuldu sloppið at skipa meir sjálvi. Sumbiar dansifelag kvað  “Kellingin við grúgvustein” , sum var
forkunnugt at hoyra við niðurlagnum “ der går en dans for Dúnoy , forgloym ikki
meg”. Tað plagdi mamma onkuntíð at brúka til “Torkils døtur”.

Fyriskipararnir
stóðu nógv av tíðini uppi á pallinum í Sjónleikarhúsinum og hugdu at. Tað sá út
fyri mær, sum yngra fólkið í Dansifelagnum í Havn hevur tikið við nú. Gunnar og
Birgir vóru í sving, meðan Niels stóð so fattur og hugdi at. Tað skal vera
honum væl unt. Hann hevur tænt føroyska dansinum væl – sera væl.

Kunning um
Barnlek var eisini á stevnuni – sjónvarp frá øðrum barnleksstevnum var at
síggja og ørk blivu býtt út. Barnlek er norðurlendsk barnadansistevna, sum
verður hildin 3. hvørt ár upp á skift í Norðanlondum. Í 2014 var hon í
Reykjavík.

Ætlanin er,
at Leikum Fagurt og Stígum Fast skulu skipa fyri barnastevnuni 2018 í
Sandoynni.

Vit takka Dansifelagnum
í Havn og Tøkum Lætt hjartaliga fyri ómakin.

Kathrina,
Eysturoyar dansifelag.

Leygardagin 11. februar 2017, kl. 10:00-15:00 skipa Tøkum lætt og Dansifelagið í Havn vegna Sláið ring fyri barnadansistevnuni 2017 í Sjónleikarhúsinum í Havn.

Stevnan verður sett kl. 10:00 í Sjónleikarhúsinum – og endar kl. 15:00. Sum vanligt verða útferðir og døgurði verður at fáa í hølunum hjá KFUM. Heitt verður á luttakarar, ið koma við bili, um at royna at parkera inni í skúlagarðinum hjá Sankta Frans skúla (Nonnuskúlanum). Skúlagarðurin liggur ovast í Niels Finsens gøtu/Villumsgøtu.

Skráin fyri stevnuna er lýst niðanfyri.

Vegna fyriskipararnar

Gunnar Restorff (tlf. 292563)

Bólkar

Bólkur A : (106 fólk)

Klaksvíkar Dansifelag
Sumbiar Dansifelag
Tøkum Lætt

Bólkur B: (125 fólk)

Tvøroyrar Dansifelag (- útferð)
Vága Dansifelag
Frískúlin í Havn

Bólkur C: (115 fólk)

Jómsvíkingar
Norðstreymoyar Dansifelag
Dansifelagið í Havn

Bólkur D: (99 fólk)

Eysturoyar Dansifelag við kvøðarar úr Gøtu
Dansifelagið á Látrinum
Leikum Fagurt
Skúlin á Argjahamri

Skrá

Kvæðaskrá

Setan
og felagsdansur 1 Kl. 10:00-10:45

øll luttaka

Tøkum
lætt (A) Tá er verði stórur

Eysturoyar
Dansifelag + Gøta (D) Eg møtti ein ríkmann

Jómsvíkingar
(C) Brestis kvæði (17 ø)

Norðstreymoyar
dansifelag (C) Burtur á heiði og Veturin kom

Dansifelagið
í Havn (C) Flóvin Bænadiktsson

Dansur
1 Kl. 10:45-10:15

Bólkur B, C, D luttekur

Eysturoyar
Dansifelag (D) Í Gøtu ein dag

Vága
dansifelag (B) Leivs kvæði (24 ø)

Eysturoyar
dansifelag + Gøta (D) Kongaríkið í Bábylon

Vága
dansikvøld (B) Per Jákup Mikael

Leikum fagurt (D) Nú liggur ein kavafonn tindi á

Dansur
2 Kl. 11:15-11:45

Bólkur C, D luttaka –
bólkur D fer at eta kl. 11:30

Eysturoyar
Dansifelag + Gøta
(D) Sigmunds kvæði, yngra
(33 ø.)

Norðstreymoyar
dansifelag (C) Mús uppá korn

Jómsvíkingar
(C) Ormurin
langi (25 ø)

Dansifelagið
í Havn (C) Øskudólgur
og sópingarkona

Eingin
dansur Kl. 11:45-12:30

Øll
eru burturstødd – eta ella útferðir

Dansur
3 Kl. 12:30-13:00

Bólkur
A luttekur

Klaksvíkar
dansifelag (A) Í Gøtu ein dag

Sumbiar
dansifelag (A) Bjerget ligger langt ud i skoven

Klaksvíkar
dansifelag (A) Nú liggur ein kavafonn tindi á

Tøkum
lætt (A) Barnagarðurin

Dansur
4 Kl. 13:00-13:30

Bólkur
A, B luttaka

Tvøroyrar
dansifelag (B) Sigmunds kvæði, yngra (35 ø)

Vága
dansifelag (B) Einar suðuroying

Sumbiar
dansifelag (A) Kellingin við grúgvustein

Klaksvíkar
dansifelag (A) Stolt Signhild

Steðgur Kl.
13:30-14:00

Kakur
og drekka verður at fáa í Sjónleikarhúsinum

Felagsdansur
2 og endi Kl. 14:00-15:00

Frískúlin
í Havn (B) Ólavur riddararós

Eysturoyar
dansifelag (D) Mallebro

Tøkum
lætt (A) Risin og kellingin

Dansifelagið
í Havn (C) Ormurin langi

 Upp á stovugólv

1. Fólk koma til Dals, har tey verða býtt upp í tríggjar bólkar.
2. Hesir
   bólkarnir fara so í hvør sítt hús, har ið ein vertur er í hvørjum húsi.
   Vertinir greiða so frá onkrum kvæði, sum tey hava valt og síðani verður
   tað (ella bara eitt brot av tí) kvoðið
   í húsunum. Síðani ‘rotera’ bólkarnir, og tað verður uml. 1 tími í
   hvørjum húsi.
3. Almennur dansur verður aftaná húsavitjanirnar

Vertir: 

Skráð:

Prísur: 

Gisting:

Landsdansistevnan
fyri børn 2017



Dansifelag tykkara verður við hesum boðið at koma við á landsdansistevnuna fyri
børn, ið verður hildin í Sjónleikarhúsinum í Havn leygardagin 11. februar 2017.
Byrjað verður kl. 10 og vit enda uml. kl. 15.

Stevnan verður skipað eftir tí vælkenda leistinum:
Felagsdansur, útferðir og dansur, døgurði, dansur og útferðir og vit enda við
felagsdansi. Kaffi, køkur og saft kemur at standa frammi.

Tilmeldingarfreistin er í seinasta lagi 28. januar 2017.

Feløgini melda til við at senda tal av børnum og tal av vaksnum til Gunnar
Restorff á gunnarr@setur.fo. Sigið eisini
frá hvat tit ætla at kvøða (eini 2-3 ynski).

Sjálv stevnan er ókeypis og Sláið Ring endurrindar helvtina av ferðakostnaðinum
ímóti kvittan. Gistingin hjá suðuroyingum verður goldin sum vanligt.

Fyri at halda útreiðslunum niðri, er tað okkara ynski, at
ferðingin til og frá við bussum, verður samskipað mest møguligt. Vit fara tí at
heita á feløgini um at tosa saman og annars venda sær til Andreas Sigustein
(tlf. 214242), tá tey skulu brúka bussar, hann kemur at samskipa busskoyringina.

Um tit hava spurningar, so kunnu tit venda tykkum til Gunnar,
Birgir ella Andreas

Gunnar Restorff
tlf. 292563
email: gunnarr@setur.fo

Birgir Djurhuus
tlf. 222000

Andreas Sigurstein
tlf. 214242

Sumbiar dansifelag 50 ár……..

Nú Sumbiar
dansifelag fylti 50 ár, vóru dansifeløgini í Sandoynni – Leikum Fagurt og
Stígum Fast – boðin í veitslu saman við skúvoyingum. Vit vóru nøkur og 50, sum
fóru at hátíðarhalda dagin saman við sumbingum.  Eg havi verið limur í Stígum Fast síðani 2000,
so hesaferð var eg við sum dalbingur.

Í 1960-unum
og 70-unum vóru sumbingar mangan uttanlands á dansiferð. Og tað er júst á eini
slíkari uttanlandsferð, at sumbingar, tá teir komu í samband við onnur
norðurlendsk dansifeløg, koma at leggja spíran til Sláið Ring
– landsfelag føroyskum dansi at frama – sum er stovnað í 1978. Umboð fyri Sláið
Ring vóru eisini boðin við í veitslu.

Smyril er
eitt deiligt skip og veðrið at sigla leygarmorgunin var av tí besta. Kortini
gekk ikki, sum ætlað hjá  fleiri av
sandoyingunum, tí fleiri túrar fríggjakvøldið hjá Teistanum blivu avlýstir
vegna veður. Tey mugu til Havnar fríggjakvøld, um tey skullu til suðuroyar
leygarmorgun kl. 7.00.

Komin til
Sumbiar, setti bussurin okkum av á Ólafløtti, har Sigrun Poulsen – formaður í
Sumbiar dansifelag – tók ímóti saman við øðrum og segði okkum, hvar vit skuldu
gista.

Mær dámar so
væl hesar dansiferðirnar, sum eru til eina bygd, har øll skulu vera. Haldi tað
vera ólíka hugnaligari enn hjá okkum her í Eysturoynni, har  gestirnir fara í ymsar ættir at gista. Vit
fingu beinanvegin heilsa uppá øll hesi blíðu fólkini, sum vit kenna so væl frá
føroyskum dansi. Blíðskapurin var óførur – gekk 
hús úr húsi og prátaði og fekk drekkamunn.

Tá borðhaldi
í samkomuhúsinum var liðugt, fóru vit til gongu niðan í gomlu dansistovuna í
Skorti at dansa. Hon er frá 1913 og sostatt 103 ára gomul. Kvæðakempurnar Eli
Poulsen og Bjarni Vestergaard, sum saman við Betty Poulsen og Magnusi Jensen blivu
útnevnd til heiðurslimir í felagnum henda sama dag, skipaðu ymiskt, sum var
forkunnugt at hoyra fyri okkum norðanfjørðs. Tey brúka heilt onnur kvæðir enn
vit, og tað er gott, at øll ikki kvøða tað sama. Haldi kortini, at tað var
spell, at vit ikki vóru meir uppií hjá hvørjumøðrum. Tað bleiv eitt sindur ov
nógv soleiðis, at sumbingarnir dansaðu síni kvæðir og sandoyingarnir síni.
Klokkan skuldi flytast aftur til vetrartíð hesa náttin, so vit fingu ein tíma
eyka at dansa í.

Fleiri av
okkum vitjandi hittust aftur til kirkjugongd sunnudagin. Tað hoyrir eftir mínum
tykki við til eina góða dansiferð. Røddin var eitt sindur rustað aftaná eina
góða, langa dansinátt, men tað ger onki. Aksel Tórgarð hevði skrivað lesturin,
sum bleiv lisin, har hann hugleiddi um einkjuna í Nain. Seinasti sálmur, sum
vit sungu, var “Ongum er so trygt at fara.”

Kl. 16.30
sunnudagin hittust vit aftur á Ólafløtti – hesaferð  at biðja sumbingum farvæl og takka fyri alt
gott. Framvegis av besta veðri at sigla. Nøkur vóru farin norðuraftur við
Smyrli fyrrapartin.

Norðskáli 2.
novembur 2016,  Kathrina, Eysturoyar
dansifelag.

Niðanfyri er vegleiðandi skráin fyri dansiveturin hjá Dansifelagnum í Havn í Hornahúsunum. Onnur lættari kvæði verða eisini tikin tá ov lítið er á skrá ella skipari fær forfall.

Fríggjakvøldið 7/10, kl. 21:00 Ársaðalfundur
Eingin skrá

Fríggjakvøldið 21/10, kl. 22:00
Eingin skrá

Fríggjakvøldið 28/10, kl. 22:00

Eingin skrá

Fríggjakvøldið 04/11, kl. 22:00

Niels: Kong Hans (Danske Kæmpe …)
Róald: Grindavísan (Nýggja kvæðabókin 2)
Heini: Kong Sverke (Danske Kæmpe …)

Fríggjakvøldið 11/11, kl. 21:00
Hugnakvøld.
Okkurt verður til matna og drekka.
Kostnaður 100,-
Hanus K.: Ámunds ríma (Kvæðabók I)
Janus K.: Runtsival stríð (Kvæðabók I)

Fríggjakvøldið 18/11, kl. 22:00
Leivs kvæði
Jóhannis: Randvers kvæði (Nýggja kvæðbókin 1)
Niels: Ribolt er en grevesøn (Danske kæmpe …)

Fríggjakvøldið 25/11, kl. 22:00
Magni: Fuglakvæði, alt (Tættir I)
Jóhannis: Einars ríma (Nýggja kvæðabókin 1)

Fríggjakvøldið 02/12, kl. 22:00
Birgir: Det er i nat en vågenat (Danske Kæmpe …)
Janus K.: Gøtuskeggjar (Nýggja kvæðabókin 2)
Niels: Spanieland og Myklegård (Danske kæmpe …)

Jólafrí

2. jólakvøld 26/12, kl. 19:00
Hugnakvøld við gestum.
Okkurt verður til matna og drekka.
Tiltakið er ókeypis.
Tróndar kvæði (Nýggja kvæðabókin 1)

Fríggjakvøldið 06/01, kl. 22:00
Kjartan: Gongurólvur (Gyltabók)
Niels: Ólavur Riddararós (ísl. lag)

Fríggjakvøldið 13/01, kl. 22:00
Gudbrands kvæði
Niels: Hafburd konge (Danske kæmpe …)
Dánial: Viljorm Kornus (Kvæðabók II)

Fríggjakvøldið 20/01, kl. 22:00
Róald: Burnaman (Danske kæmpe …)
Jóhannis: Brynhildar táttur (Færøiske kvæder)

Fríggjakvøldið 27/01, kl. 22:00

Gunnar: Brúsajøkil (Færøiske kvæder)
Janus K: Hertugen red (Danske kæmpe …)
Fía: Silvurlín (Færøsk Anthologi – Niðurliga: Matrori … Turri lurri gekk …)

Fríggjakvøldið 03/02, kl. 22:00
Dánial: Dronning Dagmar (Danske kæmpe …)
Brestir: Brestis kvæði (Nýggja kvæðabókin 1)
Heini: Odvalds ríma (Kvæðabók I)

Fríggjakvøldið 10/02, kl. 22:00
Janus K.: Jeg ser så mangt et orlogsskib (Danske kæmpe …)
Hanus K.: Der går dans på Ribergade (Danske kæmpe …)
Niels: Fípan Fagra (Færøsk Anthologi)

Leygarkvøldið 18/02, kl. 20:00
Ársveitsla í Sjónleikarhúsinum.

Fríggjakvøldið 24/02,
Eingin dansur!

Føstulávintsmánakvøld, 27/02
Dansa á Tjarnargarði

Boðað verður frá at aðalfundur hjá Dansifelagnum í Havn verður í Hornahúsunum fríggjakvøldið 7. oktober 2016, kl. 21:00. Skrá sambært viðtøkum felagsins.

Umframt vanligu skránna til aðalfundin, verður eisini ein drekkamunnur og høvi verður hjá nýggjum limum at tekna seg. Harumframt verður høvi at skriva seg upp at skipa í vetur. Tá fundurin er liðugur verður farið upp á gólv. Fyrsta regluliga dansikvøld verður 21. oktober 2016, kl. 22:00.

Barnadansurin í Norðurlandahúsinum byrjar 7. oktober 2016, kl. 20:00. Ársveitslan verður leygarkvøldið 18. februar 2017, kl. 20, og er hetta eisini seinasta dansikvøld – tó fara vit at dansa á Tjarnargarði føstulávintsmánakvøld.

Víðvíkjandi limagjaldi

Heitt verður á limir felagsins um at rinda limagjaldið á kr. 300 við at flyta á konto felagsins í BankNordik 6460-150.899.9. Viðmerk navn og limagjald 2016-17. Limir, sum eru yngri enn 20 ár ella eru undir útbúgving, gjalda ikki limagjald.

Til øll limafeløgini og umboðsráðslimirnar

Við hesum verður boðað frá at aðalfundurin hjá Sláið Ring verður

Leygardagin 24. septembur 2016, kl. 12.00 á Fróðskaparsetri Føroya,
Føroyamálsdeildin

V.U. Hammersheimbsgøta 16.

Fundarskráin verður sambært lógum felagsins, og harumframt hava feløgini
møguleika at senda uppskot um mál, ið tey vilja hava viðgjørd.

Mál frá feløgum

·        
Norðstreymoyar
Dansifelag skjýtur upp, at Sláið Ring hevur eftirmetingar-/umboðsráðsfund stutt
eftir fastalávint, har tosað verður um dansiveturin, ið fór og lagt verður upp
til komandi dansivetur.

Mál, ið nevndin leggur fram til
umrøðu

·        
Skal Sláið
Ring hava reglur fyri føroysku klæðini, tá limir umboða Sláið Ring. Hugsað
verður m.a. um, at kvinnurnar skulu hava turriklæði um herðarnar.

·        
Fyri betri at
røkka aðalmálinum – at virka føroyskum dansi at frama, skjýtur nevndin upp, at
Sláið Ring setur fólk í tíðaravmarkað starv, 25% tíð í hálvt ár at byrja við.

·        
Dansináttin sum
Sláið Ring og NLH skipa fyri. Skuldi hon verið flutt til aðra tíð á árinum og
møguliga verið broytt til størri kvæða- og dansitiltak – ein kvæðafestival við
fyrilestrum, útferðum og dansi. Hóskandi kundi verið at lagt hann seinasta
vikuskifti í oktober.

·        
Hvussu við
Barnadansistevnu komandi á, tá vit hava Barnlek ?

·        
Nevndin boðar
til umboðsráðsfund um Barnlek 2017, leygardagin 5. november.

Fundarskrá til
ársaðalfundin

1.      Val av orðstýrara og
fundarskrivara.

2.      Ársfrágreiðing.

3.      Framløga av
grannskoðaðum roknskapi til góðkenningar.

4.      Viðgerð av innkomnum
málum.

5.      Ásetan av limagjaldi
fyri komandi árið.

6.      Val av nevnd og
trimum tiltakslimum.

7.      Val av grannskoðara.

8.      Ymiskt.

Kvæðaferð við Norrønu 21. – 24.
august 2016 til Danmarkar.

Tríggjar
ferðir hevur Sláið Ring saman við Smyril Line skipað fyri kvæðaferð  við Norrønu. Í maj 2012 og 2014 var kvæðaferð
til Íslands, og skipið lá á Seydisfirði 1½ døgn. Eg var við í 2012. Hesaferð
sigldu vit til Hirtshals og heimaftur. Tað hevði hóvað okkum í Sláið Ring betri
at siglt til Íslands, har skipið kann liggja við kaj 1½ samdøgur, tí tað ber
als ikki til at dansa føroyskan dans, um skipið livir bara eitt lítið vet. Men
tað var av besta veðri báðar vegir – skipið rørdist ikki, so vit kundu dansa
alt, sum vit orkaðu.

Uml. 130
fólk vóru við á kvæðaferðini – Jómsvíkingar og Sumbiar dansifelag væl umboðaði.
Kann ikki lata vera við at smílast, tá eg hugsi um hesi fólkini, sum hittast
til føroyskan dans. Veit hvaðani, tey eru og fái gott prát við tey, men teirra
kristna navn kenni eg ikki. Nógv av hinum ferðafólkunum umborð, komu eisini inn
í Saga Café at lurta og dansa.

Rasmus
Joensen, sum hevur verið formaður í Sláið Ring í áravís, byrjaði at orða við
Smyril  Line um kvæðaferð einaferð í 2010.
Hetta saman við einum skrivi í bløðunum frá Levi Niclasen í Hvalba førdi til
fyrstu kvæðaferðina, sum var so væleydnað, at hetta sjálvandi skuldi gerast
aftur.

Nøkur
kvæðir/vísur verða sett á skránna frammanundan og onkur verður biðin at halda
fyrilestur ella hava hugleiðingar um hesi. Til allar tríggjar kvæðaferðirnar
hava vit biðið fólk, sum hava dansað frá barni av, um at fortelja frá  góðum løtum í dansi. Hesi høvdu øll gjørt sær
stóran ómak. Eg haldi, at teir, sum vóru bidnir at skipa, tóku uppgávuna upp á
sama máta sum tey, sum skipa á landsdansistevnu.

Forkunnuga
og sera vakra  yrkingin “Kópakonan” hjá
Hans Andriasi Djurhuus bleiv eisini lisin upp týsdagin. Ivaleyst hevur hann –
eins og Kvívíks-Jógvan, sum yrkti Kópakvæði – fingið íblástur frá søgnini við
sama heiti, sum kom á prent í Færøsk Anthologi hjá V.U.Hammershaimb í 1891.

Stuttligt at
hava kapping við spurningum úr kvæðum og vísum. Til tey bæði innleiðandi
umførini vóru trý lið við trimum fólkum hvørja ferð. Tvey lið komu í finaluna,
sum var seinnapartin mikudagin. Tey trý á vinnaraliðnum vunnu ein jólatúr við
Norrønu í part, meðan hini fingu eitt vikuskiftið á deplinum í Skálavík í part.
Góðir vinningar frá Smyril Line.

Vit bæði
duga og tíma at syngja, og sangurin gekk so lystilga aftur við harmonikum.
Trivaligt sangheftið var gjørt til ferðina. Mikudagin spældi Jóanes so
hugaliga, at harmonikan gekk sundur og 
Ásmund, sum er gamal bilmekanikari, mátti fáa hana samanaftur.

Tað er
stórarbeiði, at skipað fyri slíkum tiltaki. Rasmus hevur lagt ótrúliga orku í
hesar tríggjar kvæðaferðirnar – hvussu nógvar tímar, hann hevur brúkt, veit
bara hann sjálvur. Lønin fyri slíkt verður ikki goldin í krónum, men tá
tiltakið eydnast væl  – og tað eydnaðist
sera væl hesaferð – so er tíðin væl brúkt. Lønin er góður dansur og glað
væluppløgd fólk.

Ein góður
máti at fjálga um dansin og leggja gerandisdagin frá sær uppá.

Eg vóni, at
vit gera kvæðaferð aftur um nøkur ár.

Kathrina,
Eysturoyar dansifealg.