Í sambandi við at nýggjar brúðarvísur yrktar í 2013, hevur eftir spurningurin eftir at kunna hoyra brúðarvísurnar á gólvi verið stórur. Í samstarvi við Klaksvíkar Dansifelag og Alvin Andreassen, hevur Sláið Ring gjørt upptøkur av tveimum at vinnandi brúðarvísunum.  eisini eitt ynski sett fram  

Upptøkan av vinnandi brúðarvísuni, Lat okkum taka saman, hjá Eyðun Eliasen er at finna á á youtube.com. Áhugaðið kunnu finna upptøkuna við at leita undir Klaksvíkar Dansifelag ella við at trýsta á:  http://www.youtube.com/watch?v=NG5Mo_qTfs0 .

Hin brúðarvísan sum klaksvikar Dansifelag hevur tikið upp er brúðar vísan í halgubók, har Betta á Dalinum hevur gjørt orðini og Hanus G. johanesen eigur lagið. Hendan upptøkan finnst somuleiðis á youtube.com kom afinnast við at skriva Klaksvíkar Dansifelag ella við at trísta á:  http://www.youtube.com/watch?v=0C-a_bHdtOo .

Endamálið við upptøkunum er at brúðleypsgestir, har brúðarparið hevur valt at dansa aðra av hesum brúðarvísum, brúka møguleikan at kunna seg við tekstin og lagið, áðrenn tey fara uppá gólv.

 Sláið Ring vónar at fleiri kvæða áhugaði og brúdleypsgestir annars fara at kunna seg við hesar brúðarvísur og nýta tær í teimum brúðleypum, har eldru brúðarvísurnar møguliga kennast ov tungar.

Longu nú hava úti við 800 fólk sæð upptøkurnar.

Brúðarvísan hjá Regin Eikholm verður løgd út í næstum.

 

 Hóskvøldið 3. apríl hevur Klaksvíkar Dansifelag aðalfund. Fundurin verður í húsum felagsins, Skálanum, klokkan 19.30. À skránni er millum annað val av tveimum nevndarlimum. Nevndarlimirnir, ið standa fyri vali hesa ferð, eru Arni Sólheygg óg Brynjálv Sigurðsson. Eisini er val av einum tiltakslimi. 

ì løtuni sita Heini Mohr, formaður, Arni Sólheygg, næstformaður, Elin Syderbø, kassameistari, Jónleif Johannesen, skrivari og Brynjálvur Sigurðsson, nevndarlimur í nevndini. Tiltaks limir eru Ása Petersen og Silja Michalsen.

Eitt innkomið mál verður á skránni. Talan er um at bjóða nýggjum limum ókeypis uppí felagið dansiveturin 2014/15.  Grundgivið verður fyri málinum við at vísa á, at í november 2014 fyllir Klaksvíkar Dansifelag 60-ár og mett verður, at tað í hesum sambandi hevði verið hóskandi at bjóða nýggjum limum ókeypis upp í felagið.

Umframt sjálvan aðalfundin verður ein gamal filmur vístur av Klaksvíkar Dansifelag, har felagið er og vitjar í Eysbjerg. Eisini verða fyrireikinar gjørdar til eydnuhjólið, sum Klaksvíkar Dansifelag fer at hava sunnudagin 6. apríl.

Hey
tit øll fantastisku børn og vaksin, sum sýndu okkum ta gleði at koma vestur í
Vágar at dansa saman við okkum í Vága Dansifelag. At 300 børn og 100 vaksin
komu á Giljanes at dansa var ógvuliga stuttligt. Túsund takk fyri.

Stevnan bleiv sett klokkan 10:00 av formanninum í
Sláið Ring, Jónleif Johannesen, og síðan varð farið at dansa. Vit vóru eitt
sindur í iva, um vit fóru at passa øll inn í fimleikarhøllina at dansa, men tað
bilti einki – tað var eitt sindur trongt at byrja við, men dansurin gekk so
listiliga. Øll dansaðu – stór børn,lítil børn, ung fólk og gomul fólk. Tað var so stuttligt. Fleiri børn
skipaðu, og sjálvt um ringurin var sera stórur, var eingin trupulleiki at halda
stevið.

Tá vit høvdu dansað í út við 2 tímar, fór helvtin at
luttakarnum at fáa sær døgurða, og hin helvtin fór útferð við bussum. Ein
partur fór til Sandavágs, og hin parturin fór til Miðvágs. Í Sandvági steðgaðu
tey við minnisvarðan av Hammershaimb, faðirin at skriftmáli okkara. Síðan fóru
tey í kirkjuna. Frásøgufólk í Sandavági var Heini F. Petersen.

Tey, sum fóru til Miðvágs, fóru fyrst í kirkjuna,
har Hildur Joensen greiddi frá. Síðan fóru tey yvir um vegin at hyggja eftir
standmyndini av Mikkjali á Ryggi, og so inn í Beitið, barnaheimið hjá Mikkjali
á Ryggi, har Vága Dansifelag dansar hvørt sunnukvøld vetrarhálvuna. Mikkjal
yrkti Brestiskvæðið, sum onkur av børnunum  hevði skipað fyrr um dagin. Í Beitinum varð
eisini dansað.

Tá øll høvdu etið og verið útferð, varð farið aftur
at dansa, og vit dansaðu og stuttleikaðu okkum til klokkan var farin av trý. Tá
máttu fleiri fara fyri at náa rútuna heim aftur.

At enda takka vit Hildur Joensen og Heina F.
Petersen fyri góðar frásagnir í kirkjunum. Eisin ein hjartans tøkk til tykkum
mongu hjálparfólk á Giljanesi og ferðaleiðarar í bussunum.

Vegna Sláið Ring og Vága Dansifelag

Vinarliga

Anna Elisa Jacobsen

Hornavegur 11

370 Miðvágur 

 

Barnadansistevnan 2014 var hildin á Giljanesi tann 22 februar. Eftir góðan
morgunmat í ítróttarhøllini, varð farið í fimleikarahøllina at dansa, uml. 500
børn og vaksin vóru í ringinum fyrrapartin. dansurin gekk av tí allarbesta,
stuttligt at síggja og hoyra tey ungu, hvussu væl tey dugdu at dansa og skipa.

Eftir middag sóu fólkini seg um í Miðvági og Sandavági, har dugnalig fólk
greiddur frá í Miðvágs kirkju, Sandavágs kirkju, Beitishúsinum og við
Minnisvarðan á Steig.

Leygardagin 1. mars kl.18.00-02.00 verður
Føstudansur í Føroyahúsinum í Keypmannahavn. Tað er Dansifelagið Fótatraðk, sum
skipar fyri.

 

Kvæðaskiparar úr dansifelagnum Tøkum Lætt koma
niður at skipa til dansin. Eisini skipa limir hjá Fótatraðk til dansin, men
lagt verður upp til, at almenningurin eisini loyvir sær framat.

 

Tiltakið er í tveimum pørtum:

 

1. SYNGIÐ VIÐ

Kl. 18.30 verður sangløta við harmoniku og
guitarspæli.

 

2. FØROYSKUR DANSUR

Kl. 21.00 ella har á leið, verður farið upp á
gólv. Jólini verða tald á miðnátt, og annars verður dansað so leingi hugurin er
til tess.

 

 

Í sambandi við tiltakið verður café og barr,
har eisini føroyskt smyrjibreyð, køka og kaffi verður selt.

 

Kostnaður við dyrnar er kr 80,-

 

 

Fótatraðk skipar fyri tiltakinum í samstarvi
við Sosialinum, Atlantsflogi, Tøkum Lætt og Føroyahúsinum.

 

Nærri kunning kann fáast á facebooktiltakinum: https://www.facebook.com/events/204865599712464/?ref_newsfeed_story_type=regular

 

 

NEVNdin í Fótatraðk

 Barnadansistevnan verður 22. februar í skúlanum á Giljanesi. Stevnan byrjar klokkan 10.00 og endar kl. 15.00.  Dansað verður í fimleikarhølllini og etið verður í ítróttarhøllini. Væntandi verða nógvir luttakarar, tí er neyðugt at skipa dagin soleiðis, at luttakararnir verða býttir í bólkar ein part av tíðini. 

Meðan ein bólkur etur døgurða, ferð ein annar túr við bussi. Koyrt verður til kirkjuna í Sandavági. Vit fara í kirkjuna og hyggja eisini at minnisvarðanum av Hammershaimb. Eftir tað gongur ferðin til kirkjuna í Miðvági. Vit fara í kirkjuna og hyggja eisini at minnisvarðanum av Mikkjal á Ryggi. Síðani fara vit inn í húsini í Beitinum, har Mikkjal varð føddur. Í Beitinum er møguleiki at fara uppá gólv. Bólkarnir skiftast soleiðis, at øll fáa høvi at vitja í Sandavági, Miðvági og at eta.

Vága Dansifelag samskipar barnadansistevnuna. Fyri at skipa dagin so væl sum gjørligt, er neyðugt hjá fyriskiparunum at vita, hvussu nógvir luttkarar koma á barnadansistevnuna. Tey, ið ætla at luttaka, skulu melda til hjá Onnu Elisu Jacobsen á fartel 219687 ella við telduposti á [ mailto:aej@olivant.fo ]aej@olivant.fo . Tilmeldingarfreistin er 16 februar.

Skúlar og dansifeløg, ið melda til, verða biðin um at:

· upplýsa luttakaratal, 

· hvat kvæði tey vilja skipa 

· um tey hava buss við, sum kann koyra børnini á stevnuni

Stevnan er almenn og ókeypis. Sláið Ring rindar ferðakostnaðin fyri luttakandi dansifeløg.

Vegna Sláið Ring og Vága Dansifelag

Vinarliga

Anna Elisa Jacobsen~

Hornavegur 11

FO-370 Miðvágur

Tel 332687, Fartel 219687

[ mailto:aej@olivant.fo ]aej@olivant.fo

 

 

Daniskvøld umborð á Norrønu

Nú Norrøna er farin at sigla fyri Smyril, varð
skipað fyri føroyskum dansi umborð fríggjakvøldið 24. januar, meðan skipið lá á
Vági. Dansifeløgini í Suðuroynni luttóku eisini.

Veðrið var buldrasligt hendan dagin. Tá Norrøna kom
norður um morgunin, fekk hon ikki lagt at í Havnini, men helt leiðina á
Kollafjørð. Túrurin mitt um dagin varð ikki sigldur, og fráferðin flutt til kl
18.00.

Nógvur vindur varð, men sagt varð frá batnandi
veðrið, og at hann skuldi ganga frá landsyðningi og í útsyðning, sum er góð
ætt. Mong av teimum, ið høvdu ætlað sær til Suðuroyar, mugu hava gingið við iva
stóran part av degnum, og helst eru nógv setst aftur, men vit vóru sjey, ið
fóru suður. Eitt sindur buldrasligt var, men ikki verri enn so, at vit fingu okkum
ein góðan búff í Simmer Dim. Bert ta einu ferðina fóru saltbússurnar bóltandi í
dúrkið.

Um tíggjutíðina komu fólkini umborð og løgdu
sumbingar fyri við Frísunum. Síðani gekk dansurin av tí allarbesta og nógv
ymiskt varð kvøðið, sum vælkent og annað minni kent, m.a. Sigmundskvæði nýggja,
sum tveir vágbingar hava yrkt. Annar var Pól Midjord ættaður av Økrum og sum
búði við Ósagarð, hin Dánjal Thomsen ættaður úr Hvalba og búði hann á Løðhamri.

Kvæði mann vera yrkt beint fyri 1900, og innihaldið
er tá Sigmundur kemur aftur úr Norra sum kongsins umboðsmaður og m.a. fer undir
at kristna føroyingar.

Væl av fólkið legði leiðina umborð, og sigast má, at
tiltakið var væleydnað.

Rasmus Joensen

 24-26. jan. 2014 verður tiltakið Ung í dansi hildið í Nólsoy. Hetta er eitt
tiltak fyri ung, frá 13-18 ár, ið hava áhuga fyri tí føroyska dansinum. Eisini
er møguligt hjá teimum, ið eru yvir 18, at koma við sum hjálparleiðarar.

 

Farið verður til Nólsoyar fríggjadagin 24. jan. kl. 18.00, og úr Nólsoy
aftur sunnudagin 26. jan. kl. 9.55.

 

Á skránni er m.a. dansur, matur, spøl, hugni, gongutúrur og dansur har, ið
limir úr Nólsoyar dansifelag luttaka.

Vit fara at læra okkum Fruntatáttin.

 

Havið soviposa og undirlag við. Eisini er gott at hava skiftiklæðir, góðar
skógvar og tannbust við. Og gloymi ikki kvæðabók. J

 

Tilmeldingarfreistin er 19. jan. 2014. Tilmeldingin fer fram hjá Elin
Syderbø, tlf.: 288084, ella hjá Hildur Kruse Sørensen, tlf.: 220659, ella á
telduposti: hildurks@hotmail.com

 

Tiltakið er rúsfrítt!, ókeypis og ferðaendurgjald verður latið.

 

Fyrireikararnir

Elin og Hildur