Category: Tíðindi

Skráin 2007-2008 

 

Vanliga dansa vit í Hæddini, Saltangará, fríggjakvøld við hesi skrá:

 

 

Sláið Ring hevur í ár valt at bjóða ungfólki á eina dansistevnu á
Gjáargarði við Gjógv. Ikki nýtist teimum ungu at hugsa um pengapungin
fyri at vera við. Tiltakið er ókeypis, bæði uppihald og flutningur.

 

Á Gjáargarði er pláss fyri 70 gistandi, og hava vit gjørt av, at
býta tað upp soleiðis, at luttakaratalið verður 60 ungdómar og 10
vaksin, ið koma at hjápla til.

 

Tiltakið byrjar fríggjakvøldið 28. sep. klokkan 18.00 við
nátturða, dansisøgu og undirhaldi. Seinni fara vit upp á gólv saman við
Eysturoyar Dansifelag. Leygardagin verða tvey skeið á skránni. Tað fyrra
kallast ”Hvussu kunnu vit læra okkum kvæðini”, og tað seinna ber heitið
” Dansisiðir og leiklutur skiparans”. Tað verða Petur Olivar í Hoyvík
og Jónleif Johannesen, sum greiða frá. Eisini fara ungfólkini ein túr í
bygdini. Um kvøldið verður skipað fyri undirhaldi og dansispølum.
Klokkan 21.00 fara vit aftur upp á gólv. Hesuferð saman við
Dansifelagnum á Látrinum.
Sunnumorgunin verður tikið samanum, áðrenn vit fara heim.

 

 

 

Tíðindini vóru í flestu bløðunum og í Útvarpinum. Eisini hevði teknarin Óli Petersen tey við á baksíðuni í Sosialinum.

 

Tað hevur víst seg, at flestu fólk eg eri komin í samband við, hava fingið kunnleika til kappingina.

 

Eg loyvi mær at siga, at øll, eg havi tosað við, eru glað fyri at Sláið Ring fer undir hetta tiltakið.

 

Tey allar flestu við teirri grundgeving, at brúðardansurin sum
hann er í dag, er tungur og stirvin, og tí er neyðigt við nýggjari
brúðarvísu.

 

Tað munnu eisini vera tey, ið halda hetta ikki vera neyðugt,
tí tær, vit vanliga brúka í dag, eru nóg góðar; tey hava tokka til
teirra.

 

Soleiðis vil tað eisini vera og vit skilja hetta væl.

 

Ætlanin hevur ongantíð verið at troka hinar burtur, men at geva fólki enn ein møguleika at velja.

 

Vónandi verður hetta átakið við til at virka føroyskum dansi at frama.

 

Nú er komið so væl áleiðis við fyrireikingunum til Havleik 2008,
at innbjóðingarnar til útlendingarnar eru farnar avstað og higartil hava
fleiri boða frá, at tey eru áhugaði at koma hendanvegin.

 

Nærri fráboðanir og skráin verða at síggja á heimasíðuni í næstum.

1. Sumbiar Dansifelag Stríðið á Húnalondum, 2. partur

 

2. Eysturoyar Dansifelag Blakman konge

 

3. Dansifelagið í Havn Geyti Áslakson

 

4. Stígum Fast Fruntatáttur

 

5. Vága Dansifelag Tróndarkvæði

 

6. Tøkum Lætt Jómsvíkingakvæði

 

7. Dansifelag Kaggans Fípan Fagra

 

8. Klaksvíkar Dansifelag Eingríms synir

 

9. Dansifeflagið á Látrinum Hong Hans

 

10. Norðstreymoyar Dansifelag Villiam Kornus

 

11. Fótatraðk Ámunds ríma

 

12. Leikum Fagurt Brúsajøkil

 

13. Suðuroyar Norð. H. Gunnar á Líðarenda

 

14. Jómsvíkingar Ormurin Langi

 

15. Tvøroyrar Dansifelag Brestis kvæði

 

Byrjað verður fríggjakvøldið kl. 20.00 í Framtíðini í Vági, har
Sláið Ring – landsfelag føroyskum dansi at frama, skipar fyri
mentanarligum tiltaki. Fyrst fara børn og kvinnur úr Sumba fara at kvøða
eina vísu og aftaná verða tað børn úr 8. flokki við Vágs Skúla, sum
kvøða Huldugentuna. Síðani verða tríggir fyrilestrar og hugleiðingar.
Eli Poulsen úr Sumba fer at hugleiða um dansin, og hvat hann hevur
fingið og fær burtur úr honum, síðani sigur Poul Arni Holm av Tvøroyri,
fyrverandi sangari í orkestrinum Týr, nakað um føroyska dansin og hvussu
hann kann kveikja í tónleikin. Seinasta fyrilesturin heldur Andrea
Opielka úr Bochum í Týsklandi. Hon skrivar doktararitgerð um føroyskan
dans, við serligum atliti til dansispøl, og fer hon at draga fram ymiskt
úr øllum tí rúgvismika tilfari, hon hevur samlað. Saman við
fyrilestrinum verða eisini dansað nøkur dansispøl. Kvøldið endar við, at
vit fara upp á gólv og dansa til midnátt.

 

Leygardagin 19. kl. 18.00 verður sjálv landsdansistevnan sett við
ítróttarhøllina í Trongisvági. Tað verður Bjarni Vestergaard,
fyrverandi formaður í Sláið Ring, ið setir stevnuna. Aftaná fer Ketty
Andreasen, formaður í Tvøroyrar Dansifelag, sum umboðar tey fýra
dansifeløgini í oynni, Sumbiar Dansifelag, Jómsvíkingar, Tvøroyrar
Dansifelag og Suðuroyar Norðara Dansifelag, at bjóða vælkomin.

 

Borðhaldið byrjar kl. 19.00 og eftir borðhaldið verður farið upp á gólv.

Skálin kókaði. Runt alt dansigólvið sóust børn, í øllum aldri,
spenna seg út. Tey kvóðu so hjartaliga og av fullum huga. Fyri tey, sum
stóðu og hugdu at, var hetta sera hugtakandi og tankin um at føroyski
dansurin er við at doyggja út, var fjarur hesa løtuna.

 

Fleiri vaksin vóru við børnunum herímillum nakrir skúlalærarar.
Spurdi ein nærri fekst at vita, at í størsta parti av landinum vóru
fólkaskúlalærararnir drívmegin innan barnadansin. Í Sumba, í Vágum, á
Argjum, í Eysturoynni og í Norðoyggjum, vóru tað lærarar, saman við
øðrum, sum hildu og mentu dansin.

 

Tað er altíð ringt at meta um, men tað er ikki ov nógv sagt, at
luttakaratalið hevði fallið niður um eina helvt uttan hjálp frá
lærararunum.

 

Afturlítandi kann ein bert staðfesta, hvussu týdningarmikið tað
var, at fáa dansin inn um skúlagátt. Tí tað er innan skúlagátt at
børninin verða kunnug við føroysku kvæðamentanina. Men eins
týdningarmiki er tað, at dansurin verður stuðlaður sum frítíðarítriv. Tí
innan skúlagátt verður hann aldri livandi. Har er dansurin ein partur
av undirvísingini og á tann hátt ikki eitt frítt val og ein livandi
mentan. Tí er tað somuleiðis týdningarmiki, at dansifeløgini runt landi
loyva børnunum at dansa, og at karmarnir um dansin eru góðir.

 

Tað var ein son frøði at síggja lærararnar millum børnini. Mær
rann til hugs, at læraraskúlin má hava gjørt eitt megnar arbeiðið innan
menturnar økið. Menn sum Jefrei Hendriksen og Àrni Dahl og aðrir við
hava verðuliga megna at kveikt ein loga innan dansin. Jefrei er farin
frá og Árni eldist. Hvussu stendir til við dansinum á Læraraskúlanum í
dag, kundi ein hóskandi spurt.

 

Sum skilst sær tað tíverri dapurt út. Dansifelagið á
Læraraskúlanum Grani stendur múlabundin. Tað er ikki virki. Ei heldur
hoyrist nakað til at áður nevndu menturnarmenn, hava megnað at sett
aðrar við.

 

Sláið Ring hevur í vetur roynt at set seg í samband við
lærararskúlan við tí fyri eyga, at stuðla dansinum á læraraskúlanum, men
læraraskúlin hevur higartil ikki latið frætt frá sær.

 

Áhugavert er at spyrja hví so er. Vónandi lesur/a avvarandi
læraraskúlanum hetta og kunnu koma við eini frágreiðing, um hvørja støðu
føroyski dansurin hevur innan læraraskúlagátt og hvørjar ætlarninar
eru, tí sum sagt lærararnir eru við til at halda og varveita føroyska
dansin, størsta mentnararav føroyinga.

 

Sum hin vitjandi er varugur við, so hevur heimasíðan hjá Sláið Ring fingið nýggja útsjónd.
Hin
fyrra uppsetingin var vorðin og tíðatrkrevjandi og trupul at arbeiða
við, serliga við at leggja inn upplýsingar frá limafeløgunum og Sláið
Ring sjálvum. Tí hevur verið arbeitt við at gera hetta lættari og við
hesi nýggju heimasíðuni vóna vit, at hetta fer at lata seg gera.

 

Tankin við nýggju heimasíðuni er fyrst og fremst, at limafeløgini
(ein ábyrgdarpersónur fyri hvørt felag) fáa atgongd til hvønn sín teig,
sum tey hava ábyrgdina av og kunnu legga inn síni tíðindi og
fráboðanir.

 

Við tíðini vóna vit, at síðan eisini kann mennast til at leggja
kvæðauppskriftir útá og eisini vóna vit, at feløgini og S.R. fara at
leggja myndir út á síðuna.