Tíðindi

Tøkum lætt útferð í Skálavík

Tøkum lætt var eina útferð í Skálavík 10. til 12. juni 2022. Her er ein stutt ferðafrásøgn frá túrinum.

Við í útferðini vóru 28 limir hjá Tøkum lætt. Vit høvdu leigað 4 hús í Skálavík og bygdarhúsið Kelduna. Har ótu vit okkara máltíðir og hugnaðu okkum saman. Leygarkvøldið høvdu vit keypt døgurða og dessert. Aftaná var almennur dansur, vit høvdu fingið bygdarfelagið at hava dansin.

Vit leigaðu buss og koyrdu oynna runt. Vit vóru heppin við veðrinum, so tað eydnaðist sera væl.

Vit vóru fleiri søgulig og áhugaverd støð, á Sandi vóru vit t.d. í bygdarsavninum, í listasavninum í einum niðurløgdum kongaligum handli, og fleiri fóru ein túr í kirkjugarðin. Ætlanin við túrinum var eyðvitað at vekja áhugan aftur hjá okkara limum fyri dansi og kvæðum aftaná niðurgongdina, sum koronafarsóttin hevur havt við sær. Haraftrat er vildu vit eisini fegin bjóða báðum feløgunum har suðuri og almenninginum annars í almennan dans. Sum vit skilja, hevur ikki verið dansað tað stóra ta síðstu tíðina har.

Tøkum lætt vitja gívrina á steininum í Bartalströð

Aðalfundurin hjá Sláið Ring

Aðalfundurin hjá Sláið Ring verður leygardagin 17. septembur 2022 kl. 12:00. Aðalfundurin verður í U407 á 4. hædd í Sjóvinnuhúsinum á Vestaru bryggju í Havn.

Fundarskráin verður sambært lógum felagsins, og harumframt hava feløgini møguleika at senda uppskot um mál, ið tey vilja hava viðgjørd.

Mál frá feløgum

Mál, ið feløg vilja hava til viðgerðar á aðalfundinum skulu vera nevndini í hendi í seinasta lagi leygardagin 3. september 2022.

Fundarskrá til ársaðalfundin
1. Val av orðstýrara og fundarskrivara.
2. Ársfrágreiðing.
3. Framløga av grannskoðaðum roknskapi til góðkenningar.
4. Viðgerð av innkomnum málum.
5. Ásetan av limagjaldi fyri komandi árið.
6. Val av nevnd og tiltakslimum.
7. Val av grannskoðara.
8. Ymiskt.

Skrá fyri aðalfundin og nærri kunning verður send feløgunum fyrst í september. Seinna sama dag verður eisini kvæðastevna í Norðurlandahúsinum, skrá kemur seinni.

Tórshavn, hin 20. august 2022
Gunnar Restorff, fm
Sláið Ring

Dansiungdómur á útferð í Eysturoynni – HAVLEIKUR2022

Eysturoyar dansifelag hevði hósdagin tann 14.juli 2022 vitjan av teimum ungu frá Havleiki.

Vit koyrdu eftir oyggj, og fyrsta stopp var Norðradalsskarð, har vit vildu vísa gestunum útsýnið vestureftir, men tað var ikki klárt, so tey fingu at vita, at hetta var eitt tað vindharðasta pláss í landinum við vindferð upp í minst 270 km/t.

Næsti steðgur var við Sjógv í Kollafirði, har Jóannes greiddi frá um Sjóvarbóndan, sum yrkti Ormin langa júst á hesum stað, og har skipaði Jóannes nøkur ørindir av Orminum. Ein norsk genta segði, at hon dugdi 14 ørindir av Orminum – á norskum.

Næsti steðgur var norðan fyri Streymnes, har vit sóu yvir á Hagagjóg og súlu-stubban. Jóannes greiddi stutt frá um Føroya jarðfrøði.

So var ikki støðgað fyrr enn í Navia á Toftum, har Óli Kristian fortaldi um seyðin í Føroyum, og hvussu hansara virki fær burtur úr ullini. Aftrat fingu vit kaffi og smakkbitar í Navia. Stórur blíðskapur og góður stemningur.

So gekk leiðin eystur á Eystnes, har útsýnið var av tí allarbesta. Har kvóðu vit burtur á heiði – og so við skundi í skúlan við Løkin at eta matpakkan. Pálin greiddi stutt frá um skúlan, og ein av gestunum úr Grønlandi framførdi trummudans.

Eftir matarsteðgin koyrdu vit út á Nes til ta gomlu kanónina, sum er komin til heiðurs og æru aftur – eftir at hava ligið sum ífylla í Havnalagnum á Toftum í eina hálva øld. Ein hugtakandi søga, sum Alfred Olsen greiddi meistarliga frá, hóast hann fekk lítla tíð. Eisini har fingu vit ein forfrískning.

Gula Smiðja í Runavík var næst á skránni, eitt dømi um eina gamla smiðju, sum nú er vorðin ungdómshús. Har fingu vit drekkamunn við kaku, alt sum okkara limir høvdu skipað fyri. Sjálvur borgmeistarin gav sær tíð at koma at greiða frá um kommununa og søguna hjá hesum ikoniska húsi, har eitt ótal av ungum dreingjum hava fingið sína smiðjuútbúgving. So varð farið upp á gólv, og hetta mundi vera fyrsta ferð, at føroyskur dansur gekk í Gulu Smiðju. Og dansurin gekk væl og lætt.

Eftir ein góðan steðg, sum fór til prát, telving og fótbóltsspæl, fóru vit í bussin og úti við Løkshøll stóð stjórin í tunnilsfelagnum við sínum bili klárur at loðsa okkum út til eitt víkipláss í Eysturoyartunlinum.

Varliga, í gulum vestum, gingu vit út í rundkoyringina, og tá tók ein ung kvæðakempa Regin smið, sum fekk eini tíggju ørindir. Ein hátíðarløta við lít. So inn í eitt teknikkrúm, har stjórin stutt og greitt segði frá hesum hugtakandi projekti. Allarsíðst vísti hann okkum pumpurúmið, sum ikki er minst hugtakandi. Aftur púra spontant skar ein føroyingur út úr at syngja Harra Gud, títt dýra navn og æra, og vit tóku undir, meðan hini lurtaðu. Øll trý versini. Vit endaðu við, at Rebekka skipaði Stolt Signhild. So takkaðu vit Una Danielsen fyri hesa megnaruppliving.

Við Eysturskúlan søgdu vit báðir, Jóannes og Jens, hesum dámligu og kátu ungdómunum farvæl og takkaðu fyri ein góðan og gevandi dag.

En vellykket åbningsceremoni til HAVLEIK 2022

Onsdag 13. juli startede HAVLEIKUR 2022 med stor åbningsceremoni på Vaglið i Torshavn. Der var en hel del tilskuere mødt, til ceremonien, der startede med et optog, hvor de fleste af deltagerne var iklædt folkedragter. Der var holdt taler og deltagende landene havde danseopvisning med hver sin dans. Sidst på programmet var fælles færøsk kædedans, hvor Arnjohn Hvítklett var forsanger til Flóvin Bænadiktsson. Dansen gik godt, og de fleste mennesker på Vaglið deltog i dansen. Derefter var der igen et optog, denne gang gik alle deltagerne op til Nordens hus, hvor festlighederne fortsatte. Vi havde en dejlig stund sammen på Vaglið, hvor vi kunne samles og glædes sammen om dansen.

I Nordens hus var folkedans – nu med arrangører fra de forskellige lande, så alle fik lov til at prøve dansene. Aftenen sluttede med færøsk kædedans, arrangeret af Vága Dansifelag, med danske og norske viser, så alle kunne være med.

En dejlig aften hvor de nordiske kulturer fik lov til at mødes, og vi glæder os til flere lignende aftner på stævnet.

Danseopvisning på Sands Bibliotek

Tirsdag aften havde de unge mennesker fra sommerlejren danseopvisning på Sands Bibliotek. De optrådte med en samensætning af færøsk, islandske og grønlandske danse, og der var mødt 70-80 tilskuere for at se på. Dansene gik rigtig godt, ikke mindst afslutningen med færøsk kædedans, hvor tilskuerne var med i ringen.

Sommerlejren for HAVLEIK 2022 er nu slut, og de unge mennesker har oplevet en hel del. De har set hvordan man arbejder med uld, de har set Sands kirke og Sands bygdemuseum, de har oplevet det legendariske dansegulv i Dalur, og så har de danset en hel del og knyttet venskaber på tværs af landene.

Sommerlejren på Sandur er startet

Så er HAVLEIKUR 2022 startet med en ungdomslejr på Sandur. Der er omkring 40 deltagere i alderen 15-25 år, der knytter venskabsbånd på tværs af de nordiske lande.

I går har de unge mennesker danset folkedans og været på tur i Sandur, hvor de bl.a. har set Gívurnarstein, eller Troldkvindestenen, som kvinder på Sandur har strikket tøj til.

Udover at lære folkedans kommer de unge på en udflugt i Skúvoy, hvor Sigmundur Brestisson, den færøske sagnhelt, der siges at have bragt kristendommen til Færøerne, boede og er begravet. Derudover kommer de til at opleve det legendariske dansegulv i Dalur, hvor gulvet sætter ekstra fut i dansen, sådan som det vipper.

Programmet for HAVLEIK

Nu ligger programmet for HAVLEIK 2022 på HAVLEIKs hjemmeside – gå ind på havleik.sr.fo og tryk på “Program (DK)”. I tilfælde af ændringer opdateres programmet løbende. Færøsk version vil blive tilgængelig senere på ugen.

Vi glæder os til at modtage alle gæsterne – startende allerede om en uges tid!

Eysturoyar dansifelag í Vágum

Leygardagin tann 28. mai fór Eysturoyar dansifelag útferð við bussi vestur í Vágar. Ferðalagið taldi 33 limir felagsins. Ferðin byrjaði á Strondum, har tey fyrstu komu upp í bussin. Næsti steðgur var hinumegin fjørðin við Løkin í Runavík, og síðan var leiðin hildin norðureftir og ígjøgnum Norðskálatunnilin og vestur í Vágar við nøkrum steðgum at taka fólk uppí bussin.

Fyrsti steðgur í Vágum var í kirkjuni á Sandavági, har Edvard í Skorðini Joensen segði frá um kirkjuna og um Beintu. Hann nevndi millum annað, at tað má metast at vera eitt bragd at hava bygt kirkjuna, tá ið hon var bygd. Kirkjan er bygd úr svenskum timbri og varð vígd 29. apríl 1917, sum var ímeðan 1. heimsbardagi leikaði á. Kirkjan er sera vakurt myndprýdd, og Mikkjal á Ryggi málaði liljurnar ímillum smámyndirnar uppi á vegginum frammi í kór. Hann greiddi eisini frá um Beintu, og at hon var ein megnar kvinna, sum tók sær av teimum veiku og útstoyttu. Beinta var grivin í forkirkjuni í einari av teimum kirkjunum, sum stóðu á sama stað, sum kirkjan í dag stendur. Minnist ikki, hvat nummar sálmurin er, sum vit endaðu við.
Nú var komið til middags, og vit koyrdu til Gásadals, har vit fingu breyð við føroyskum viðskera at eta. Tá ið øll vóru mett og væl sett, kvóðu vit Brestis kvæði, sum Mikkjal hevur yrkt, úti á terassuni í fagrasta veðri. Aftan á fóru vit inn í skúlan, har Mikkjal var lærari í nógv ár. Har sungu vit “Tú fylgdi mær fyrst, tá ið vøggu eg lá” í fullari longd, soleiðis sum hann stendur í Sálmabókaískoytinum.

Aftan á fóru vit til Miðvágs og gingu niðan í Hýsisá at hyggja at yrkingini hjá Mikkjali, sum hann høgdi í helluna í ánni á sumri 2009.

Vatnið vinnur harðar hellur,
slættar niður fjøll.
Lýggin gongur, grasið fellur,
fella so vit øll.
Stirnar blóðið, steðgar hjartað,
legst enn maður lík,
sálin í Guðs himni bjarta,
livir fræls og rík.

Næst á skránni var Krígssavnið. Har er so nógv áhugavert at síggja um ein so sera týdningarmiklan part av Føroya søgu, at eitt petti av einum seinnaparti er alt ov stutt tíð at steðga inni har. Men tað var harvið, og krígssavnið fer ongan veg.

Á veg til Bíggjar fór ferðaliðið í kirkjugarðin í Sørvági at finna grøvina hjá Mikkjali og konuni Binu, sum eru grivin har.

Dagurin endaði við framúr góðum døgurða í Pakkhúsinum í Bø. Mett og væl sett fóru vit upp á gólv og kvóðu ymist lætt og stutt, sum løtan bjóðaði seg til, áðrenn vit hildu leiðina heimaftur.

Sum ikki eina ferð, hevði skrivarin lisið væl uppá um Mikkjal á Ryggi, og hann visti nógv áhugavert at siga frá um megnarskaldið.

Tilmelding til HAVLEIK stevnu og veitslu

Vit hava fingið væl av tilmeldingum til HAVLEIK 2022 – íalt 551 fólk hava teknað seg higatil, har gott helvtin er útlendingar.

Tey, ið bert vilja tekna seg til stevnuna íroknað veitsludøgurða 16. juli 2022 fyri kr. 350, fáa longda freist at tekna seg fram til 23. juni 2022. Til ber ikki longur at bíleggja aðrar tænastur umframt. Meldið til hjá tykkara lokala dansifelagi.

Feløgini savna endurtilmeldingar saman og senda tær til Sláið Ring í seinasta lagi hósdagin 23. juni 2022 – tilmeldingin skal innihalda 1) navn, 2) fartelefonnummar, og 3) teldupost hjá øllum luttakarum. Feløgini krevja peningin inn og flyta hann á konto hjá HAVLEIK 2022 (v/ Sláið Ring).

Upp á gólv og tá í Skálanum

Fríggjakvøldið á Norðoyarstevnu, tann 27. mai kl. 21:00, verður áhugaverdur almennur dansur í Skálanum, Bøgøta 11.

Á skránni verða bæði føroyskur og harmonikudansur. Til at skipa føroyska dansin verða nógvir góðir skiparar. Til harmonikudansin koma spælimenninir Hans Hjalti Skaale og Hóraldur Joensen umframt feðgarnar úr Dali, Símun Erik og Jóanes Johannesen, at spæla.

Kvøldið er skipað á tann hátt, at skift verður millum føroyskan dans og harmonikudans. Byrjað verður við føroyskum dansi kl. 21:00. Klokkan 22:00 verður harmonikudansur. Umframt at luttakararnir dansa frítt til góða dansitónleikin, verða eisini nakrir lættir fólkadansir á skránni. Tað eru limir í Dansihugna, sum koma at skipa fyri fólkadansinum. Klokkan 23:00 er føroyskur dansur aftur á skránni fram til kl. 0:00, tá ið harmonikudansurin aftur tekur yvir. Kl. 1:00 sleppur føroyski dansurin aftur fram at, og enda verður við harmonikudansi frá 2:00 til kl. 3:00, tá dansurin endar. Kostnaðurin fyri kvøldið er kr. 100 og møguleiki er at keypa sær smyrjibreyð o.a.

Klaksvíkar Dansifelag