Kunning um landsdansistevnuna 2019

Deil

Sum áður fráboðað, verður landsdansistevnan hildin á Eiði 11. mai og bjóða vit tí til stevnuna – tilmelding fer fram umvegis dansifeløgini kring landið, ið siga fyrireikarunum frá, hvussu nógv tey verða. Dansifeløgini flyta luttøkugjaldið, kr. 300,- fyri hvønn, á kontu 9181-526.576.4 í seinasta lagi 15. apríl 2019.

Skrá

Kl. 16:30: Vit møtast á Vaglinum, har stevnan verður sett. Aftaná kvøða vit eina ella tvær stuttar vísur. Tá tað er liðugt, verður gingið niðan í skúlan. Um veðrið ikki er til vildar, møtast vit í skúlanum
Kl. 18:00: Borðhaldið byrjar í ítróttarhøllini (sum er partur av skúlanum). Eftir borðhaldið verður farið í Mentanarhøllina, har dansað verður (er eisini partur av skúlanum). Kvæðaskráin er niðanfyri.
Kl. 02.00: Morgunmatur verður í ítróttahøllini.

Vinarliga,
Rasmus Joensen, fm., Dansifelagið á Látrinum,
og
Heini Holm, fm., Norðurstreymoyar Dansifelag

Kvæðaskrá

Kvøðið verður í hesi raðfylgju:

  1. Dansifelagið á Látrinum: Dvørgamoy I (60), Hjalmar Kollslíð skipar
  2. Norðstreymoyar Dansifelag: Jeg ser så mangt et orlogskib (31), Hans Dávid Vík skipar
  3. Ung í Dansi: Brókatáttur (49)
  4. Dansifelag Kaggans: Bøhmerlands dronningen (23), Katrin Johansen skipar
  5. Sumbiar Dansifelag: Geyti Áslakson, seinni partur (40), Sólfinn Kjærbo skipar
  6. Tvøroyrar Dansifelag: Guttormsvísa (25), Kristian Olsen skipar
  7. Vága Dansifelag: Eg havi verið fermur og ungur (11), Jónvør Petersen skipar
  8. Stígur Fast og Leikum Fagurt: Vilmundskvæði (80), Tormóð Nielsen skipar
  9. Fótatraðk: Fípan Fagra (53), Birita Jóhansdóttir skipar
  10. Klaksvíkar Dansifelag: Ebbe Skammelsøn (64), Leivur Jacobsen skipar
  11. Eysturoyar Dansifelag: Norska Løva (22), Kathrina Hansen skipar
  12. Jómsvíkingar: Jómsvíkingar (35), Arnfinn Bjarkhamar skipar
  13. Tøkum Lætt: Kong Sverke (40), Jóna Jimenez skipar

Talið á ørindum er 533 tilsamans. Hettar tekur millum 3½ og 4 tímar at kvøða.

Onnur tíðindi