Category: Tíðindi

Føstuborðhald og dansur hjá Fótatraðk í Keypmannahavn

Fyri fyrstu ferð fer Fótatraðk at skipa fyri einum føroyskum borðhaldi í samband við árliga føstudansin. Tann 10. februar kl.19 verður føroyskt borðhald í Føroyahúsinum í Keypmannahavn og farið verður uppá gólv uml. kl.21.30

Eitt sindur um tiltakið
Til borðhaldið verður sjálvtøkuborð við alskyns føroyskum mati og viðskera. Harafturat verður sangur við undirspæl av guitara og harmoniku.

Kl. 18.30 – dyrnar lata upp og borðhaldið byrjar kl. 19.00.
Kl. 21.30 – farið verður uppá gólv. Kvæðaskiparar úr Føroyum eru við og stuðla dansinum.
Kl. 01.00 – dyrnar lata aftur, tó verður dansað víðari um hugurin er fyri tí.

Barrin verður opin, og har ber eisini til at keypa kaffi, te og heimabakaða køku.
Atgongumerki til føstuborðhaldið og dansin fæst við at flyta 250,- kr. til konto felagsins: 1551-4500867590, viðmerk navn!

Eitt evt. yvirskot fer til rakstur og fyriskipan av ymiskum tiltøkum hjá Fótatraðk, serliga Landsdansistevnuna í 2019. Ein beinleiðis leinkja til Facebook-tiltakið:
https://www.facebook.com/events/542641249467824/

Meira kunning fæst við at skriva til okkara Facebook síðu Dansifelagið Fótatraðk ella á fotatradk@hotmail.com. Kunning um matskránna fæst við at ringja til +45 51 97 91 96 ella spyrja seg fyri hjá limum í Fótatraðk.

Verðið vælkomin til Føstudans í Føroyahúsinum

við kvøðu frá
Nevndini í Fótatraðk.

 

Upp á stovugólv 2018

 

Aftur í ár fara vit: Ung
í dansi, at skipa fyri Upp á stovugólv, sum verður tann 27 jan. Hesaferð verða
vit í Funningi og vertirnir eru
Elsa Funding, Jógvan Højsted og Sámal Petersen.

 

Tiltakið fer at ganga
nakað soleiðis fyri seg:

1.    
Fólk koma
til Funnings, har tey verða býtt upp í trýggjar bólkar.

2.    
Hesir
bólkar fara so í hvørt sítt hús, har ið ein vertur er í hvørjum húsi. Vertirnir
greiða frá einum kvæði, vísu ella tátti, sum tey hava valt og aftaná verður hettar
(ella eitt brot) kvøðið í húsinum. Síðan ’rotera’ bólkanir.

3.    
Tað
verður 1 tími í hvørjum húsi.

 

Byrjað verður kl 18.
og húsavitjanirnar enda kl 21. Síðan verður okkurt at eta/drekka niðri í
skúlanum og eisini verður skipað fyri almennum føroyskum dansi kl. 22.

 

Tað er avmarkað pláss
í húsunum, so tað er max 75 fólk sum sleppa til húsavitjanirnar. Tí verður
neyðugt við tilmelding.
Hetta verður gjørt við at ringja ella skriva til ein av hesum:

 

Sandra Bjarnaskor
253308 / Bjarnaskorsimonsen@gmail.com

Ólavur Syderbø 271724
 / olavursyd91@gmail.com

 

Til tann almenna
føroyska dansin, ið verður í skúlanum aftaná, eru øll hjartaliga vælkomin.

Kostnaður fyri Upp á stovugólv og almenna dansin er kr.
150.
Tey, ið bert koma til almenna dansin, gjalda kr. 50.
Suppa er við í prísinum,

 

Føroyskur dansur verður tjúgunda kvøld 13. januar á Seglloftinum á
Tvøroyri. Byrja verður kl 22.00 og kostnaður 50 kr. Dansifeløgini í
oynni luttaka og øll eru hjartaliga vælkomin, ung sum eldri og roynd sum
óroynd. 

Tvøroyrar Dansifelag

Kunning um
Sommerlejren og Nordlek 2018               

Sláið Ring hevur
skrivað feløgunum og Ung í Dansi soljóðandi bræv.

Ung í dansi til Sommerlejren og Nordlek.
Komandi summar í juli mánaða verða Nordlek og Sommerlejren hildin í Falun í
Svøríki.
Sommerlejren í døgunum 7. – 9. og Nordlek 10. – 15.
Í hesum sambandi hevur nevndin í Sláið Ring gjørt av, at veita limum frá Ung í
dansi, stuðul til hesa ferðina.
Vit rokna við, at tey eru við allar dagarnar frá 7. til 15.
Við tað at tað nærum er fulteknað til bussferðina til Norðlek, verður ferðin
hjá teimum ungu gjørd við flogfari.
Aldursmarkið til sommerlejren er frá 18 til 25 ár. Tó kunnu tey, ið fylla 18 ár
í 2018 eisini koma við.
Luttøkugjaldið hjá Ung í Dansi er sett til kr. 1.500,- fyri hvønn.
Feløgini eru vælkomin at veita stuðul til luttakarar úr egnum felagi.

Tey, sum vilja tekna seg til ferðina ella sum hava spurningar, skulu venda sær
til Hildur Kruse Sørensen, tlf. 220659, t-postur: hildurks@hotmail.com
ella Ólavur Syderbø, tlf. 271724, t-postur: olavursyd91@gmail.com

Vit vóna at eini 12 – 15 tekna seg frá Ung í dansi.

Tekningarfreistin er 9. januar 2018.

Sláið Ring
Rasmus Joensen, fm

 

Kvæði
og kvøðing í Norðurlandahúsinum

Leygardagin hin 21. oktober 2017 skipa Sláið Ring og
Norðurlandahúsið fyri almennum tiltaki um føroyskan dans.

Dansináttin í Norðurlandahúsinum, sum Norðurlandahúsið
og Sláið Ring hava skipað fyri í mong ár, er nú flutt frá sumrinum og út á
heystið, í ár til 21. oktobur.

Ætlanin er, at vit til hvørt tiltak hava eitt ávíst
evni, sum verður lýst í fyrilestri og á gólvi.

Í ár er evnið Runsivalsstríðið. Hanus Kamban heldur
fyrilestur, Óli á Geilini skipar Runsivalsstríðið og Símun Erik Johannesen
skipar Amunds rímu.

Møguliga eru fleiri, ið ikki kenna so væl omanfyrinevndu kvæði, og tí hava vit
eisini í skránni nøkur kvøði og vísur, sum vit rokna við at meginparturin av
luttakarunum hevur kunnleika til.

Tá vit hava verið ígjøgnum føstu skránna, verður frítt
at skipa og kvøða.

Sjálvt tiltakið er ókeypis, men nátturðin, sjálvtøkuborð,
kann keypast fyri kr. 129,-, hartil kann okkurt drekkandi eisini keypast.

Skráin fyri tiltakið: Kvæði og kvøðing 21. oktober 2017 er:

Kl.
16:00         Fyrilestur um
Runsivalsstríðið                  Hanus
Kamban                 
Kl. 17:00         Runsivalsstríðið                                         Óli á
Geilini                      
                        Lorvíks Páll                                               Kathria
Hansen
                       
Kl. 18:30         Nátturði.

Kl. 19:30         Vit fara upp á gólv.
                        Bøhmerlands Dronningen
                        Karstin í Húsinum            
                        Amunds ríma                                            Símun
Erik Johannesen    
                        Kong Sverke                                             Herluf
G. Joensen             
                        Frítt at skipa,
til uml. kl. 22.

Uppskriftin, sum Óli á Geilini brúkar til
Runsivalsstríðið er úr hefti 4, ið Klaksvíkar Dansifelag gav út í 1975. Hon er
ógvuliga lík uppskriftini í Kvæðabók 1, sum er at finna á heimasíðuni hjá
Eysturoyar dansifelag: eystdans.dk.

Símun
Erik Johannesen brúkar eina uppskrift, sum tey hava brúkt í Stórhúsi í Dali. Her
avskrivað av bandupptøku, sum abbi Símun Erik, Jens Ludvík Johannesen hevur
kvøðið. Hendan uppskriftin er at finna inni á heimasíðuni hjá Fótatraðk:
fotatradk.com.

 

Nordlek
og Sommerlejren 2018

Nordlek 2018 verður í Falun í Svøríki í døgunum 10. – 15. juli. Sommerlejren,
sum er fyri tey ungu, er frá 7. – 9. juli.

Tankin við hesum er, at fyrst fáa tey ungu høvi at
hava sína egnu stevnu, saman við ungdómum frá hinum norðurlondunum, og hava tey
áhuga, so kunnu tey eisini verða Nordlekstevnuna, saman við teimum eldru.

Sláið Ring er farið undir at skipa fyri ferð bæði til
Sommerlejren og Nordlek.
Ferðalagið til Sommerlejren fer við flúgvara 6. juli, og tey kunnu velja, um
tey flúgva heimaftur ella fylgjast við teimum eldru. Vit rokna við, at tey
eisini eru við til Nordlek-stevnuna.

Til Nordlek verður farið úr Føroyum við Norrønu
fríggjadagin 6. juli og ferðalagið verður aftur í Føroyum mikudagin 18. juli. Vit
hava egnan buss við okkum.

Komið verður til Hirtshals leygadagin 7. juli. Vit
koyra til Frederikshavn og sigla til Gøteborg, har gist verður og vit fáa ein
rundtúr í býnum. Sunnumorgunin 8. verður koyrt til Trollhættan og víðari til Ørrebro,
har vit gista. Ørebro er býur við uml. 100.000 íbúgvum. Mánamorgunin 9., eftir
at vit hava verið ein túr í hesum áhugaverda býi, koyra vit til Falun.

Týsdagin 10. juli byrjar sjálvt Nordlek, og endar tað
fyrrapartin sunnudagin 15., tá vit venda ferðini heimaftur.

Vit koyra til Oslo, har vit gista og fara ein rundtúr
í býnum. Mánamorgunin 16. koyra vit til Kristiansand og taka ferjuna til
Hirtshals. Umborð hava vit biðið um pláss á Buffet Navigator, har tað er All
Inclusive. Eitt framúr upplivilsi.

Vegna stóra fótbóltstevnu í Hjørring, eru øll
gistingarhús har um vegir upptikin, men vit hava fingið góða gisting í
Frederikshavn. Túrurin millum Hirtshals og Frederikshavn er 45 km, og tað tekur
uml. 40 min. at koyra.

Prísurin fyri ferðina liggur um. Kr. 10.900,- fyri
hesar 12 dagarnar. Her er alt við uttan møgulig útferð á stevnuni, tí tað
programmið er ikki tøkt enn.

Áhugaði kunnu venda sær til Ólavur Lydersen tlf. 295118
ella teldupost: olavur@elektron.fo

Vit fara við egnum bussi og hava sett luttakaratalið
til mest 40 luttakarar.

Tað hevði verið gott, um áhugaði søgdu frá sum
skjótast. Endaliga tilmeldingin er sett til 09.01.2018.

Leygardagin 23. september 2017 hevur dansifelagið Ung í Dansi aðalfund á Háskúlanum í Havn.

Aðalfundurin er fyri allar limir í Ung í Dansi. 
Nýggir limir kunnu tekna seg.

Fundurin byrjar kl. 12.00, nakað eftir at Smyril er komin úr Suðri og endar uml. kl. 15.00, so tey sleppa suður aftur, sum vilja tað.

Á skránni eru m.a. val av nevnd og kunning um tiltøk í vetur og komandi ár.

Nevndin vil fegin, at luttakararnir koma við uppskotum um tiltøk, so tað kann viðgerast á fundinum og út frá tí leggja eina skrá.

Nevndin ynskir eisini at tosa um “Sommerlejren 2018”, sum er eitt tiltak fyri ung og sum er beint undan Nordlekstevnuni. Sommerlejren er 7. – 9. juli og Nordlek 10. – 15. juli í Falun í Svøríki.

Nevndin

Afturvendandi dansikvøldið hjá Norðstreymoyar Dansifelag verður leygarkvøldið 30. september í Kvívík. Byrjað verður kl. 21.30.

Kvæði og kvøðing í Norðurlandahúsinum

Leygardagin hin 21. oktober 2017 skipa Sláið Ring og
Norðurlandahúsið fyri almennum tiltaki um kvæði og føroyskan dans.

Nøkur ár eftir at Norðurlandahúsið varð tikið í nýtslu
í 1983, fóru Norðurlandahúsið og Sláið Ring undir samstarv við føroyskum dansi
og nevndu tiltakið: Dansináttin í Norðurlandahúsinum.

Hettar gjørdist eitt sera kærkomið tiltak hjá dansiáhugaðum,
sum hildu at leingi var at bíða til dansitíðin kom aftur, hjá útisetum, ið vóru
í feriu heima á klettunum og eisini hjá ferðafólki. Men sum tíðin er gingin, eru
tiltøkini um summarið vorðin so nógv, at tíðin er farin frá Dansináttini í tí
líki, hon var.

Sláið Ring hevur tí saman við Norðurlandahúsinum,
gjørt av at flyta og broyta tiltakið. Tiltakið er flutt til seinast í oktober
og verður nevnt: Kvæði og kvøðing. Ætlanin er, at tað skal vera afturvendandi.
Vit vilja eisini gera eina skrá fyri tiltakið. Í høvuðsheitum verður valt ávíst
evni, sum verður lýst við fyrilesti og dansi.

Í ár er evnið Runsivalsstríðið. Hanus Kamban heldur
fyrilestur, Óli á Geilini skipar Runsivalsstríðið og Símun Erik Johannesen
skipar Amunds rímu.

Møguliga eru fleiri, ið ikki kenna so væl omanfyrinevndu kvæði, og tí hava vit
eisini nøkur kvøði og vísur, har vit rokna við at meginparturin av luttakarunum
kann vera við.
Eftir ta føstu skránna er frítt at skipa og kvøða.

Skráin fyri tiltakið: Kvæði og kvøðing 21. oktober 2017 er:

Kl.
16:00         Fyrilestur um
Runsivalsstríðið                  Hanus
Kamban                  45 min
Kl. 17:00         Runsivalsstríðið (143
ørindi)                     Óli á Geilini                       45 min
                        Lorvíks Páll (65
ørindi)                             Kathria
Hansen                  22 min
Kl. 18:30         Nátturði. Kann keypast í
húsinum.
Kl. 19:30         Vit fara upp á gólv.
                        Bøhmerlands Dronningen
(23 ørindi)       Karstin í Húsinum             10 min
                        Amunds ríma (80
ørindi)                          Símun
Erik Johannesen     27 min
                        Kong Sverke (40 ørindi)                           Herluf g. Joensen               15 min
                        Frítt at kvøða,   til uml. kl. 22.

Nú skráin er kunngjørd í góðari tíð, er møguleiki at
kunna seg við kvæðini.

Uppskriftin,
sum Óli á Geilini brúkar til Runsivalsstríðið er úr hefti 4, ið Klaksvíkar
Dansifelag gav út í 1975. Hon er ógvuliga lík uppskriftini í Kvaðabók 1, sum er
at finna á heimasíðuni hjá Eysturoyar dansifelag: eystdans.dk.

Símun
Erik Johannesen brúkar eina uppskrift, sum tey hava brúkt í Stórhúsi í Dali. Her
avskrivað av bandupptøku, sum abbi Símun Erik, Jens Ludvík Johannesen hevur
kvøðið. Hendan uppskriftin er at finna inni á heimasíðuni hjá Fótatraðk:
fotatradk.com.

Til øll limafeløgini og umboðsráðslimirnar Við hesum verður boðað frá at aðalfundurin hjá Sláið Ring verður Leygardagin 9. septembur 2017, kl. 12.00 á Óðinshædd 3, bygningurin hjá Effo. Fundarskráin verður sambært lógum felagsins, og harumframt hava feløgini møguleika at senda uppskot um mál, ið tey vilja hava viðgjørd. Mál frá feløgum · Mál, ið feløg vilja hava til viðgerðar á aðalfundinum skulu vera nevndini í hendi í seinasta lagi mikudagin 30. august 2017. Fundarskrá til ársaðalfundin 1. Val av orðstýrara og fundarskrivara. 2. Ársfrágreiðing. 3. Framløga av grannskoðaðum roknskapi til góðkenningar. 4. Viðgerð av innkomnum málum. 5. Ásetan av limagjaldi fyri komandi árið. 6. Val av nevnd og trimum tiltakslimum. 7. Val av grannskoðara. 8. Ymiskt. Tórshavn, hin 14.08.20017 Rasmus Joensen, fm