Category: Tíðindi

 

Afturvendandi
tiltakið, sum Norðurlandahúsið og Sláið Ring skipa fyri undir heitinum
Dansináttin í Norðurlandahúsinum verður leygarkvøldið 9. juli frá kl. 21.30 til
01.30. Er dansurin góður kann haldast á nakað longur.

Tiltakið plagar
at vera væl vitjað. Her koma bæði útlendsk ferðafólk og útisetar, ið eru heima í
summarfrí, og her koma ikki minst dansiáhugað búgvandi her á
landi.

 

Norðurlandahúsið
og Sláið Ring vóna og vænta, at fleiri leggja leiðina framvið Norðurlandahúsinum
nú leygarkvøldið.

 

 

Brynhildartáttur

 

 

Til tess at
varpa ljós á og vekja áhuga fyri føroyska dansinum skipar Sláið Ring fyri
kvøldsetu í Sjónleikarhúsinum í Havn. Titakið verður leygardagin 24. september
2011 kl. 19.00.

 

Evnið á
kvøldsetuni er Brynhildartáttur.

 

Skráin er
hendan

·        
Hanus Kamban
kemur at hugleiða um Brynhildartátt og annað, ið hann metir hevur áhuga (uml. 30
min)

·        
Høgni Mohr, ið
hevur skipað Brynhildartátt í dansi, fer at tosa um okkurt brot í kvæðinum, sum
hann heldur er áhugavert

·        
Fólk í salinum
fáa møguleika at gera viðmerkingar ella koma við
hugleiðingum

·        
Stuttur
steðgur

·        
Farið verður upp
á gólv

·        
Hugnakvøldið
endar uml. kl 22.00 – 22.30.

 

 

Ætlanin við
kvøldsetuni er at varpa ljós á dansin og kvæðini, og tiltakið er alment.

 

Sláið Ring
heldur eisini, at tiltakið kundi verið áhugavert fyri onnur enn tey, ið vanliga
eru í dansi, og hevur tí bjóðað fleiri skúlunum
við.

Almennur
dansur í Skálavík

 

Leygarkvøldið
14. mai bjóða Leikum Fagurt og Stígum Fast til almennan dans í Skálavík. Teistin
siglir av Gomlurætt kl. 19.15 og bussur er úr Skopun til Skálavíkar. Tá komið er
til Skálavíkar verður farið uppá gólv.

Vit
hava leigað Teistan at sigla aftur úr Skopun kl. 2 um náttina og bussur koyrir
úr Skálavík til Skopunar.

Kostanaðurin
er 100 kr. og er súpan og bussurin til Skopunar íroknaður.

 

Vit
vóna at nógv koma til hendan várdansin í Skálavík

Leikum
Fagurt & Stígum Fast

 

 

Yvirlit yvir tað, sum feløgini kvøða
Helst verður pláss fyri fleiri
Felags	Burtur á heiði og veturin kom
Tøkum Lætt	Kellingin við Gráastein
Eysturoyar Dansifelag	Nykursvísa
Klaksvíkar Dansifelag	Hr. Sinklar
Tøkum Lætt	Korn på sorn
Vága Dansifelag	Gudbrandskvæði
Eysturoyar Dansifelag	Og hygg nú í garðin
Eysturoyar Dansifelag	Nú liggur ein kavafonn
Frískúlin á Velbastað	Flóvin Bænadiktson
Sumbiar Dansifelag	Stat op Sankta Simeon
Leikum fagurt og Stígum fast	Stolt Signhild
Sumbiar Dansifelag	Bjerget ligger langt ud i skoven
Dansifelagið á Látrinum	Sigmundskvæði yngra
Dansifelagið í Havn	Brestiskvæði
Dansifelagið á Látrinum	Øskudólgur og sópingarkona
Tøkum Lætt	Børnini fara í barnagarð
Enda við	Leivskvæði
	Harra Pætur og Elinborg
	Tá eg verið stórur
	Ormurin Langi

Dansistevnan fyri børn verður nú leygardagin hin 19. februar í
Badmintonhøllini í Havnini. Hesuferð er tað Tøkum Lætt, sum saman við Sláið Ring
eru vertir.

Stevnan verður sett kl. 10.00 og endar kl. 15.00

Umframt dansin verður eisini útferð til Fornminnissavnið, har høvi verður at
síggja nakað av tú nógva, sum Fornminnissavnið hevur at vísa fram.

Fleiri feløg og skúlar hava boðað frá luttøku

Sumbiar Dansifelag, Jómsvíkingar, Dansifelagið í Havn, Tøkum Lætt, Frískúlin
á Velbastað, Leikum fagurt og Stígum fast, Vága Dansifelag, Dansifelagið á
Látrinum, Eysturoyar Dansifelag, Klaksvíkar Dansifelag.

Umframt tey mongu børnini, plaga eisini fleiri foreldur og ommur og abbar at
vera við og saman hava vit eina sera hugnaliga og gevandi stevnu.

 

Føroyskur
dansur fyri ung fríggjakvøldið 4. feb í Skálanum í Klaksvík.

Aftur
í ár ætla vit í Klaksvíkar Dansifelag at skipa fyri tiltaki serliga ætlað ungum.
Tiltakið er fyri at fáa ung úr øllum Føroyum, sum hava áhuga í føroyska
dansinum, at samlast um dansin. Vit hugsa um ung í breiðari merking, so øll eru
vælkomin, sum vilja stuðla ungum í tí føroyska dansinum.

Dansikvøldið
verður fríggjakvøldið 4. feb. kl. 20.30 í Skálanum í Klaksvík. 

Kvøldið
verður skipað sum eitt hugna- og dansikvøld, har vit vóna at ung úr øllum
Føroyum koma við. Tiltakið byrjar, sum sagt, kl. 20.30 við einum løttum
borðhaldi, síðan verður okkurt undirhald og dansur aftaná.

Tey sum koma til Klaksvíkar við bili ella bussi kunnu fáa
stuðul til ferðina.

 

Útvarpið hevur gjørt av at flyta kvæðasendingarnar til mánakvøld. Hetta
m.a. eftir áheitan frá dansifólki.

Komandi vikurnar verða kvæðasendingarnar ” Álvaran” og “Uppá gólv” at hoyra
mánakvøld klokkan 20.00.

Kyndulsmessudansur í Harladsundi

Eins og undan
farin ár verður vælumtókti kyndulsmessudansurin í Haraldsundi á skránni í 2011.
Hesaferð verður hann fríggjakvøldið 28 januar og byrjar dansurin klokkan 22.00.
Kostnaðurin fyri kvøldið er 100 krónur og tá er matur íroknaður
prísin.

 Fleiri dansifeløg hava víst kvøldinum
áhuga og hava sett kyndulsmessudansin á ská sína so væntandi  verður dansurin væl vitjaður.  Haraldsund er gomul kyndulsmessubygd, og
eru fyrireikararnir glaðir fyri, at tað hevur eydnast at endurreisa hesa gomlu
siðmentan í bygdini.

Vegna
fyrireikararnar

Andrass
Jacobsen