Sláið Ring – landsfelag føroyskum
|
|
Aðalfundur hjá Sláið Ring, leygardagin 14. septembur 2013 kl. 12.00
Stað: Fróðskaparsetri Føroya, Føroyamálsdeildin V.U. Hammersheimbsgøta 16.
Fundurin setur: kl. 12.00
Fundurin lokin: kl. 15.30
Møtt á fundi: Vígdis Sigmundardóttir, Suðuroyar Norðoyarhelvt, Fía
Lindenskov, Fótatraðk, Arni Sólheygg,Klaksvíkar Dansifelag, Oddvør
Johannesen,Stígum Fast, Annika Olsen,Leikum Fagurt, Maria
Kristiansdóttir,Nordlek umboð (barnadans) og Norðstreymoyar Dansifelag, Trygvi
Samuelsen nordlekumboð (kulturnevndini) og Norðstremoyar Dansifelag, Erlendur
Simonsen, Nólsoyar Dansifelag, Edvard í
Skorðini Joensen, Anna Elisa Jacobsen, Vága Dansifelag, Hildur K Sørensen,
Dansifelagi á Látrinum, Regin Eikholm, Dansifelag kaggans, Hildur Vestergaard, Sumbiar Dansifelag, Kathrina
Hansen, Eysturoyar Dansifelag og kassameistari í Sláið Ring, Rasmus Joensen,
Tøkum Lætt og Forðmaður í Sláið Ring, Jónleif Johannesen, Klaksvíkar Dansifelag
og skrivari í Sláið Ring.
Val av orðstýrara:
Edvard í Skorðini Joensen
Val av fundarskrivara:
Jónleif Johannesen
Ársfrágreiðing
Rasmus Joensen legði fram forðmansfrágreiðing.
Formansfrágreiðingin til aðalfundin 14.
september 2013
Síðani seinasta aðalfund eru tveir
av limum okkara, ið báðir hava teir verið virknir í nevndararbeiði hjá Sláið
Ring, farnir, og í gjár fingu vit enn eini deyðsboð, hesaferð av ungum kvøðara.
Tey eru Atli Dalsgaard, sum var
varalimur í nevndini í Sláið Ring, Hervør Durhuus, ið eitt langt skifti varð
okkara Nordlekumboð og i gjár andaðist Reimar Djurhuus, limur í Danisfelagnum í
Havn bert 26 ára gamal.Vit vilja minnast tey og æra minni teirra við tøgn.
Eins og undanfarin ár, hevur Sláið Ring og nevndin havt úr at gera –
føroyskum dansi at frama.
Eg skal nevna nakað av tí, har vit hava luttikið.
- Barnadansistevnan 2013, hin 10. í røðini varð hildin í
Norðurlandahúsinum. Sláið Ring var vertur
o
Stevnan varð hildin leygardagin 2. februar –
Kyndilsmessudag. Luttøkan var góð uml. 450 fólk. Eini 380 børn og 70 vaksin.
Sama talið sum undanfarin ár
o
Útferðir vóru gjørdar oman á Tinganes og økið
harumvegir
o
Døgurðan keyptu vit bíliga frá Hotel Føroyum
o
Vit takka øllum teimum mongu, sum hjálptu til
- Ung
í dansi
o
Stevnan varð hildin í Tjørnuvík
o
Leiðarar vóru Hildur K. Sørensen og Elin
Syderbø, ið eisini vóru leiðarar á Sommerleiren 2012
o
Luttøkan var góð, uml. 30 ungdómar víða um úr
landinum
o
Vit kundu ynskt at fingið fleiri pláss við
- Dansináttin 2013 varð leygardagin 3. august
o
Vegna nógvan aktivitet í august, varð
dansináttin løgd til 3. august. Møguliga nakað stutt fráligið frá Ólavsøkuni,
hildu vit
o
Men tað bilti ikki, væl av fólki var í dansi
o
Dansað varð í Skálanum í Athøll. Gólvið var
býtt upp í tvey. Dansað varð innari og uttari vóru borð sett upp, og sølan av
vatni og øli var har
o
Riggaði stak væl sum kaffelíknandi umstøður.
At fólk tosaðu, meðan hini kvóðu, órógvaði ikki.
o
Til dansináttina í 2011 vóru uml. 90 fólk, í
2012 vóru uml. 120 fólk og í ár uml. 200.
o
Havi fleiri ferðir sagt,at nú sær ikki gott
út fyri dansisnáttini, men taki í egnan barm, nú sær betur út, og eg haldi at
vit skuldu halda fram
·
Nordring
o
Í døgunum 28. til 31. mars varð
Nordringstevna hildin á Selatræ
o
Luttakarar vóru úr Finlandi, Svøríki, Norra,
Danmark og Føroyum
o
Stevnan gongur út uppá, at tey ungu læra
hvønnannan at kenna og kunnu fara heimaftur til síni lond og feløg og greiða
frá
o
Talan er um tey bestu ungfólkini, sum so
skulu kunna leggja øðrum lag á
o
Vit vóru sera glað fyri stevnuna og tað
skiltu vit eisini á gestunum
- Grønlek
2013
o
Í døgunum
7. til 13. juli skipaði
dansifelagið í Ilulissat fyri fyri dansistevnu við heitinum: Grønlek 2013
o
Úr Føroyum vóru vit 26 luttakarar
o
Sum vanligt á slíkum stevnum, so vóru
dansiframsýningar og felagsdansur
o
Eisini var fundur, har norðurlendska
samstarvið varð umrøtt
o
Nógv tíð løgd av til túrar í tí vøkru
nattúruna og býnum
o
Kappingin um Grønlandsmeistaraheiti í kajakk
var í býnum hesar dagarnar
o
Alt hetta gjørdi, at vit høvdu ein framúr
hendingaríkan og góðan túr
o
Eina uppliving fyri lívið
o
Í sambandi við slíkar ferðir verður vant og
dansað nógv – tað gevur
- Noregs
Ungdomslag bjóðar okkara
ungu, at koma til Sommerleiren 2013
o
At hava skeið í føroyskum dansi
o
At dansa saman við ungdómunum á stevnuni
o
At skipa í føroyskum dansi á
fólkadansifestivalinum í Kongsberg
o
Okkara ungu lótu sera væl at ferðini
o
Vit eiga ein góðan ungdóm, ið tekur við eftir
teimum eldru og sum vit eiga at taka okkum av
- Barnlek verður í Føroyum 2017
o
Komandi Barnlekstevna verður í Íslandi í 2014
o
Tað eru Sláið Ring og Nordlekumboðini, ið
samskipa ferðina úr Føroyum
o
Onkuntíð hava eisini onnur verið
ferðaleiðarar
o
Sláið Ring setur av til stuðul í samb. við
Barnlek
o
Feløgini, ið hava ætlanir um at vera við,
eiga fara í gongd við tað sama
o
Sláið Ring hevur bundið seg til at hava
Barnlek í Føroyum í 2017
o
Vit eiga longu nú, at arbeiði við
fyrireikingunum
§ Avgjørt er at stevnan verður í Klaksvík.
Klaksvíkar Dansifelag verður vertur vegna Sláið Ring og hevur gott samstarv við
Klaksvíkar Kommunu
§ Tað eigur at verða tikin støða til nevnd, at stíla
fyri barnlek 2017
§ Feløgini eiga at fyrireika seg og børnini
- Brúðarvísur
og brúðardansur
o
Aftur í ár skrivaði Sláið Ring út kapping um
nýggjar brúðarvísur
o
Fimm uppskot komu inn. Trý vórðu send
feløgunum til støðutakan
o
Nevnd varð sett, ið skuldi velja trý av
uppskotunum til feløgini til ummælis og hon skuldi eisini hjálpa nevndini í
Sláið Ring, at gera endaliga valið
o
Í nevndini sótu Jákup Reinert Hansen,
sóknarprestur, Bergljót av Skarði, studentaskúlalærari og Rasmus Joensen,
formaður í Sláið Ring.
o
Feløgini skuldu velja nr 1, 2 og 3.
o
Nógv tey flestu feløgini vístu á sama
uppskotið sum nr. 1, og tá nevndin hevði tað, sum seinni gjørdist vinnari og
tað sum gjørdist nr 2, sum nøkurlunda javngóð, varð uppskotið, ið feløgini
peikaðu á, valt sum vinnari
o
Nr. 1 gjørdist: Lat okkum taka saman. Yrkjari
Eyðun Eliasen
o
Nr. 2 gjørdist: Gevið ljóð og líðið á.
Yrkjari Regin Eikhólm
o
Nr. 3 gjørdist: Í Halgubók vit lesa. Yrkjari
Betta á Dalinum
o
8. Apríl varð skipað fyri samkomu í
Miðlahúsinum. Húsið var fult, tá formaðurin bjóðaði vælkomin
o
Orðstýrari var Jónleif Johannesen
o
Jóan Pauli Joensen segði nakað um brúðarsiðir
fyrr og nú
o
Jákup R. Hansen las upp grundgevingarnar frá
nevndini
o
Rasmus og Kathrina góvu vinnarunum kekk og
blómur
o
Kvøldið endaði við, at brot úr øllum vísunum
vóru kvøðin á gólvi
o
Eftir er hjá okkum er at fáa upptøkur av
vísunum, sum vit kunnu leggja út á internetið, so fólk kunnu læra seg orð og
løg. Arbeitt verður við hesum í løtuni
o
Nevndin hevur umrøtt og viðtikið at seta
pening av til undirvísingartilfarð
- Landsdansistevnan
o
Eysturoyar Dansifelag var vertur fyri
landsdansistevnuni í ár
o
Veðurgudarnir vóru ikki við okkum til
setanina, men annars ein sera væleydna stevna
o
Fleiri forvitnislig kvæði at hoyra
o
Vit koma aftur til hetta undir málum, sum vit
fara at viðgera
o
Klaksvíkar Dansifelag hevur játtað at vera
vertur við komandi landsdansistevnu í 2016
o
Norðstreymoyar Dansifelag og Dansifelagið á
Látrinum hava bjóða seg fram til 2019
o
Síðani kemur raðfylgja upp á pláss aftur.
Vága Dansifelag í 2022
o
Hvat sigur aðalfundurin til hesa broytingina
í raðfylgjuni
·
Fundur við Landsstýrismannin
o
Hvørjaferð nýtt Landsstýrisfólk er komið í
Mentamálaráðið, hevur Sláið Ring roynt at fingið fund, við tí endamáli at
greiða frá um felagið og stevnumið tess
o
Á Pálsmessu høvdu vit fund í Mentamálaráðnum
o
Hetta var ein góður fundur, har báðir partar
fingu nakað burturúr
o
Vit fingu greitt frá okkara arbeiði og tonkum
um framtíðina og Landsstýrismaðurin segði nakað um tankar sínar
o
Hann sá ikki burt frá, at gott er, um Sláið
Ring kemur fram við sínum toknum, um hvat kann gerast føroyskum dansi at frama.
Vit eru tey, ið standa dansinum nær og kenna hann best, so tað er umráðandi, at
vit koma fram við okkara
o
MMR vildu viðgerða allar ætlanir við vælvild
o
Spurningurin er so, hvat letur seg gera
o
Ein góður kunnandi fundur er altíð góður
- Veturin
2013 – 2014
o
Ung í Dansi
§ Hildur K. Sørensen og Elin Syderbø vilja standa
fyri tiltakinum
§ Ætlandi verður tað í seinnu helvt av januar og úti
í Nólsoy
o
Barnadansistevnan
§ Verður í Vágum 22. februar. Vága Dansifelag verður
vertir
o
Kvæða crouise
§ Smyrilline skipar fyri kvæða cruise til Íslands í
døgunum 26. – 29. mai
§ Á skránni verður, kvæði og fyrilestrar: Kjartan
Ólavsson og Virgarskvæði
o
Sendingar í Útvarpinum
§ Jóhan Mortensen frá Kringvarpunum hevur vent sær
til okkara, eftir at hann og formaðurin høvdu havt prát
§ Kringvarpið hevur sett føroyskan dans á skráan í
vetur, sendingin verður fríggjakvøld eftir kl. 21.
§ Leisturin er ikki heilt greiður, men ætlandi kemur
Jóhan at leggja til rættis.
§ Sláið Ring vísir málinum vælvild og vilja vit
stuðla og heita á limirnar um at stuðla, har vit kunnu
o
Upptøkur til Kringvarpið
§ Kringvarpið vil fegið hava nýggjar upptøkur
§ Til útvarpsbrúk er eingin trupulleiki at fáa fólk
at taka upp
§ Til sjónvarp er støðan ein onnur. Tað er
kostnaðarmikið, so um vit fáa stuðlar, ber til at gera upptøkurnar
o
Upptøkur at leggja á alnótina
§ Vit halda, at tað er umráðandi at fáa góðar upptøkur
at leggja út á alnótina, so áhugaði, fáa áhugaði fáa møguleika at kunna seg um
løgini og dansin
§ Gott var, um feløgini hugsaðu um hetta, møguliga
kundi hetta verið gjørt i samstarvi við Sláið Ring
§ Fólk brúka youtoube, so har eiga vit at vera
o
Samstarv við ÚF og Rás 2. Góðar sendingar
menna
o
Skulu vit royna at fáa eitt live kvøld í
øðrum av loftmiðlunum
o
Fleiri av hesum tankum verða viðgjørdir undir
Mál, ið verða løgd fram til umrøðu
- Fíggjarætlanin
- Nøkur høvuðstøl, sum vit fara at biðja
aðalfundin at taka undir við
§ Játtanin frá MMR er 250.000
§ Barnadansiferð til Barnlek í Íslandi 70.000
§ At dansa saman innanlands 20.000
§ Kunningar- og undirvísingar tilfarð 25.000
§ Fyrilestra- og kvæðatiltak 10.000
§ Samstarv við útlendsk dansifeløg 45.000
o
Upphæddirnar til barna – og undómsdans eru
undir roknskapinum fyri børn og ung.
o
Játtanin til barnadansin er í ár lækkað við
50% til kr. 75.000. Hesar verða brúktar til barnadansistevnuna og til ung í
dansi
o
Møguligur stuðul til feløgini má so koma frá
Sláið Ring roknskapinum
Tankar
og ætlanir komandi árið – frameftir
- Um støðuna í dag
o
Sláið Ring er
meginfelagið hjá dansifeløgunum, og arbeiði hjá nevndini skal spegla tað, sum
feløgini og nevndin hava upp á hjartað
o
Tí er
umráðandi, at feløgini, tvs. limirnir eru virknir
o
Vit arbeiða
eftir eini kós og við umrøðum og kjaki, m.a. á aðalfundinum, finna vit útav um
hon skal broytast
o
Vit skulu
gera okkum greitt, at eru tað ikki vit, ið koma við hugskotum um framdrift, so
verður tað eingin
o
Hini (MMR,
skúlar o.o.) hava latið tað yvir til okkara (rokna við sum givið) at Sláið ring
tekur innitiativið, og eg haldi ikki, at vit hava annað val, enn at taka hetta
í okkara hendur
o
Men vit skulu
royna at fáa tað útaftur til fjøldina, so tey ikki bara lítað á dansifólkið
o
Framyvir kann
hugsast, at ein av uppgávunum hjá Sláið Ring verður at kunna um dansin og at
gera kunnandi tilfar
o
Hetta tilfar
skal kunna brúkast nógvastaðni
o
Barnagarðar,
barnaskúlar, framhaldsdeildir, miðnámsskúlar, fjølmiðlar v.m.
Nú eg leggi frá mær sum formaður í Sláið Ring – landsfelag føroyskum dansi
at frama – fari eg at takka fyri gott samstarv við feløgini, við formenn og
umboðsráðslimir, við nevndina og við tykkum í
Nordleknevndini.
Eg fari at takka øllum dansifólkunum fyri sera gott samstarv og góðar
løtur.
Eisini fari eg at takka fyri góðar viðmerkingar í práti og telefonsamrøðum.
Tað er gott við jaligum og krittiskum viðmerkingum. Tær leiða tankarnar til
aðrar vinklar í einum máli, og tá tú hevur hugsað nærri um hetta, fært tú
nýggjan íblástur, sum gevur ábendingar, um hvønn veg tú skalt royna at loysa
máið.
Við ynski um, at tað má gangast dansifeløgunum, Sláið Ring og føroyska
dansinum væl, sigi eg:
Latið okkum brúka gimsteinin – føroyska dansin !!
Takk fyri !!
Viðmerkingar til
formansfrágreiðingar
Hvussu er við upphavsrætti í samband við kvæða og vísuupptøkur. Niðurstøðan
á aðalfundin var, at feløgini eiga upphavsrættin til upptøkurnar, har yrkjarin
er deyður fyri meir enn 70 árum síðani.
Semja var um, at tað ráddi um at fáa kvæðini út til fólki. Upptøkurnar hjá
Føroyamálsdeildin eru eitt keðiligt dømi um, at upphavsrætturin ger at tilfarið
ikki kemur út til fólkið.
Regin Eikholm helt, at dansuri er blivin í so einstáttaður og lívleysur. Vit
skulu leggja meiri dent á at fortelja søguna livandi meðan vit kvøða. Hetta
kundi nevndin tikið upp.
Jónleif helt at dansurin í skúlunum er eins sterkur og fyrr, men tað tekst
ikki burtur, at tað eru skúlar har dansuri ikki er so sterkur. Her hevði tað
verið gott um dansifeløgini bjóðaðu seg fram at hjálpa skúlunum, ella at
dansifólk innan skúlagátt sláða seg saman og skipa dansin soleðis, at tey
eisini fevna um skúlar, har dansuri stendur veikur.
Maria nevndi at kunningin fyri Grønlek hevði verið nóg góð frá Nordlek
umboðunum. Hon heitti á formenn og kvinnur um at kunna sínar limir um slík
tiltøk, tí hon hevði hoyrt frá fólki, at tey einki høvdu hoyrt um hetta.
Framløga av grannskoðaðum rokniskapi
til góðkenningar
Kathrina Hansen leggi fram rokniskapin fyri Sláið Ring. Ársúrslitið var
góðar 27.000 yvirskoti.
Kathrina Hansen legði somuleiðis rokniskapin fram fyri barnadansin. Her var
yvirskotið góðar 2000 krónur. Í ár verður stuðulin til barnadansurin væl minni
knappar 90.000 krónur. Hetta kemur at gera at raðfestingarnar komandi ár verða
ørvísi og tillagaða fíggjarviðurskiftini har eftir.
Viðgerð av innkomnum málum
Einki mál var innkomið
Ásetan av limagjaldi fyri komandi
árið
Nevndin skeyt upp at limagjaldið verður tað sama. 100 kr. Fyri hvørt felag.
Hesum tók aðalfundurin einmælt undir við.
Val av nevnd og trimum tiltakslimum.
Rasmus Joensen tekur ikki viðaftur vali. Nevndin skeyt um at velja Annu Elisu
Jacobsen í nevndina. Einki annað umboð var í uppskoti. Anna Elisa Jacobsen var
vald í nevndina.
Sum tiltakslimir vóru í uppskoti Rasmus Joensen, Tøkum Lætt, Hildur
Vestergaard, Sumbiar Dansifelag, Annika Olsen, Leikum Fagurt. Tey vóru vald.
Val av grannskoðara
Nevndin skýtur upp at Heini Mortensen heldur fram sum grannskoðari. Hetta
var einmælt samtikt.
Ymiskt
Mál, ið nevndin leggur fram til
umrøðu
·
Sláið Ring er 35 ár í ár
Semja var um at nevndin skuldi arbeiða við at hava
fyrilestrar, veitslu og dans fyri at hátíðarhalda dagin.
·
Tiltøk við fyrilestrum og dansi
Hetta verður partur av 35 ára degnum.
·
Upptøkur til Kringvarpið
Nevndin heitur á feløgini um at halda seg fram at,
og bjóða Kringvarpinum at taka upp kvæðaupptøkur í teirra felag. Regin Eikholm
heitti á feløgini um at sleppa kvinnunum fram at, tá ið skiparar skulu veljast.
·
Eftirmeta gongdina um nýggjar brúðarvísur og
brúðardans
Vága dansifelag dámdi ikki væl hetta uppskoti, men
eftir at hava hoyrt nýggju brúðarvísuna á gólvi dugdi Sláið Ring umboðið at síggja,
at hetta ber væl til. Rasmus metti eisini at fleiri fólk, sum ikki dámdu nýggju
brúðarvísuna frá byrjan av, nú eisini høvdu broytt meining.
·
Fáa brúðarvísurnar út til fólkið
Nevnt var at Nám var ein góður miðil at fáa
brúðarvísurnar út til fólki, eisini youtube upptøkur eiga at vera gjørdar.
Brúðarvísurnar verða eisini partur av fólkafundinum í Klaksvík 20 – 21 sep.
2013..
·
Komandi landsdansistevnurnar
o
Klaksvík bjóðar sær til at taka
næstu Landsdansistevnuna í 2016
o
Norðstreymoyar Dansifelag og Dansifelagið
á Látrinum hava áhuga at vera vertir í 2019.
·
Stuðul til feløgini – føroyskum dansi at frama
Nevndin mælir til, at feløg kunnu søkja um stuðul
frá Sláið Ring, um tey fáa vitjan og um tey ferðast í útlondum.
·
Kvæðacruise til Íslands 26. – 29. mai 2014
Rasmus kunnaði um kvæðacrusie. Á skránni verður
Kjartan Ólavson og Virgarskvæði. Minnist at melda til í góðari tíð. Smyril Line
hevur avlagt 300 páss. Rasmus gav umboðslimunum eitt reklamu ark og bað teir
kunna limirnar.
·
Stuðul til barnadans.
Umsóknir skulu vera Sláið Ring í hendi innan 1. januar.
Væntandi kunnu feløgini fáa eina upphædd á uml.
45.000 krónur at býta sína millum.
·
Langtiðarfíggjarætlanin
Langtíðarfíggjarætlanin fyri Sláið Ring var
gjøgnum gingin og góðkend.
Langtíðarfíggjarætlan fyri barnadansin var gjøgnum
gingin og góðkend.
·
Heimasíðan
Nevndin minti limirnar á at møguleiki er at skriva
á heimasíðuna.
·
Kvæði á landsdansistevnuni
Møguleiki er at feløgini býta eitt kvæði sínamillum,
fyri at tað eisini kann verða pláss fyri longum kvæðum á stevnuni.
Jónleif
Johannesen, skrivari á aðalfundinum
