Vikuskiftið 8.-10. septembur 2023 verður skipað fyri tiltakinum Ung í Dansi í Fámjin. Her møtast ung í aldrinum 12 til 30 ár at dansa føroyskan dans saman. Hetta er afturvendandi tiltak, ið Ung í Dansi, ungdómsfelagið hjá Sláið Ring, skipar fyri á hvørjum ári.
Í ár verður legan hildin í Vesturhøll í Fámjin, har vit møtast til eitt vikuskifti við nógvum dansi, spølum og hugna. Vit fara onkran túr og eisini kemur onkur at fortelja eitt sindur um bygdina og um eitthvørt viðvíkjandi føroyskum dansi.
Aðalfundur hjá Ung í Dansi verður leygarkvøldið 9. septembur og felagið skipar eisini fyri almennum føroyskum dansi í Vesturhøll seinni hetta leygarkvøldið, har øll eru hjartaliga vælkomin.
Tiltakið er rúsfrítt og ókeypis!
Øll í aldrinum 12 til 30 ár eru vælkomin at tekna seg við at skriva eini privatboð til Mikalu Vilhelm á Facebook, á tlf. 270139, ella við at skriva ein teldupost á kala161198@hotmail.com.
Seinasta freist at tekna seg er fríggjadagin 1. septembur 2023. Nærri kunning viðvíkjandi ferðing og skrá til leguna kemur seinni á sr.fo og á facebookbólkinum Ung í Dansi.
