Tað var fult hús, tá Hanus Kamban helt fyrilestur um Brynhildartátt, og
hvussu hann er bygdur upp. Hann vísti á, at tað finnast heilar átta uppskriftir
av Brynhildartátti á føroyskum.
Evnið er savnað saman úr ymsum europeiskum forn- og miðaldarsøgum og
sagnum, vísti hann á og nevndi, at her var talan um skaldskap, tá hann er
allarbestur.
Eftir áhugaverda fyrilesturin hjá Hanusi Kamban, hugleiddi Høgni Mohr um
sjálvt kvæðið og søgur í samband við tað.
Kringvarpið festi fyrilestrarnar á band, og verða teir at hoyra í eini av
komandi sendingunum Álvarann, sum verða sendar mánakvøld klokkan 19.00.
Eftir fyrilestrarnar varð farið upp á gólv. Hákun Jacobsen úr Miðvági
skipaði í teimum umførum brot úr Brynhildartátti.
