Barnadansistevnan 2010 verður 17. apríl norðuri á Eiði. Tað er
Dansifelagið á Látrinum, sum hevur boðið sær at vera vertur. Skrá fyri stevnuna
verður lýst seinni.
Tit, ið hava barnadans, eiga at hugsa um, hvat kvæði
ella vísu, tit ætla at kvøða.
Barnadansistevnan 2010 verður 17. apríl norðuri á Eiði. Tað er
Dansifelagið á Látrinum, sum hevur boðið sær at vera vertur. Skrá fyri stevnuna
verður lýst seinni.
Tit, ið hava barnadans, eiga at hugsa um, hvat kvæði
ella vísu, tit ætla at kvøða.
23. okt. var ársaðalfundur hjá Dansifelagnum í Havn. Nevnd, kassameistari
og grannskoðari vórðu afturvald, og eru skipað soleiðis: Formaður Niels á
Velbastað, næstformaður Birgir Djurhuus, skrivari Janus B. Kamban, nevndarlimir
Heini Mortensen, Johild Kamban, Jóhanna Krosstein og Katrin Gullbein.
Kassameistari Haldur Christiansen, grannskoðari Katrin Dahl.
Barnadansur hjá Tøkum Lætt.
Barnadansurin byrjar nú aftur í Skansastovu. Byrjað verður mikukvøldið 21.
oktober kl. 19.00
kelda:
http://www.vagadansifelag.dk/26331125
Seyðamaðurin á Sondum
Leggið nú hvør sítt høvur í blot
meðan eg
sigi frá søgum
hvat ið hendi í fornu tíð
uti i gomlum døgum
Stígið á gólv so lættliga
og havi gott stig
meðan eg kvøði um huldukonu
og seyðamannin við
Tað skuldi vera á fornu tíð
vilja tit mær trúgva
norðuri á fjøllum í Husagjógv
har mundi ein hulda búgva
Ein onnur búði í Tormansgjóv
systrar vóru tær tvá
tær vóru klæddar í skarlak
líka niður á
tá
Stakkarnir vóru av skarlaksklæði
hingu niður á skó
hann hjá henni í Húsagjógv
var reyður sum annað blóð
Árla var um morgunin
só1in skein so víða
lysti henni huldukonu
at só1a stakki friða
Hon legði hann á tann grøna vøll
rætt sum sólin sá
vakurt var at síggja
fagur litur bar á
Vakurt var at síggja
fagur litur bar á
perlurnar av reyðargulli
í stakkinum glitra á
Seyðamaðurin av Sondum
var víða gitin í orðum
rætt sum reysti Rólant jall
gitin var í forðum
Hann røktaði alla Sandavágssíðu
bæði við gleði og gavni
mongum manni var hann gitin
men ikki nevndur av navni
Árla var um morgunin
sólin skein á vøll
lysti honum seyðamanni
at ríða norð á fjøll
Árla var um morgunin
só1in skein so víða
lysti honum seyðamanni
norð á fjøll at ríða
Seyðamaðurin á Sondum
lat sær hestin sað1a
vakur var tann gangari
hann dró eftir jørðini hala
Seyðamaðurin á Sondum
reið gjøgnum fjallalíð
langan veg sá hann perlurnar
ið stakkinum glitraðu í
Seyðamaðurin á Sondum
hugsar við sjálvum sær
henda reyða kjóla
skal eg hava heim við mær
Seyðamaðurin á Sondum
vendi
hestinum tá
beint har imóti
sum stakkurin lá
Ballaði hann hann saman
av tí reyða skarlak
síðan legði hann hann
upp á hestsins bak
Síðani legði hann hann
á sín góða hest
so reið hann tilbakar heim
hann reið sum hann kundi best
Setti hann seg á sín góða hest
hann mundi væl vegin kenna
pryglaði hann við hirðastavi so
dúgliga mundi hann renna
Huldukonan við eldin situr
sær hon sólina skína
eg skal út á helluna
at venda stakki mínum
Men tá ið hon kom á plássið
tá var stakkurin burt
skar saman tennir
og snerkti við skort
Tók hon til at ganda
tað við sterkum rúnum
skimaðist runt um fjallalíð
við eygum sinum brúnum
Systir, systir! Stíg í stórum
kanst tú mannin ná
Seyðamaðurin á Sondum
hann stjól mær stakkin frá
Svaraði aftur i Tormansgjógv
so huldligani
eg eri lamin í báðum beinum
einki orki eg
Gakk tú systir sum tú kanst best
eg kann einki gera
eg eri lamin í báðum beinum
kann meg illa bera
Tann sum búði í Húsagjógv
tók tá til at ganga
gleivaði langt og ginaði títt
tann seyðamann at fanga
Seyðamaðurin á Sondum
ríður alt hann orkar
hoyrir hesa huldukonu
aftan á sær snorkar
Hesturin var móður
sum einhvør kann vita
ríða norð á fjøllum
stóran mann at flyta
Hesturin var móður
hann gav honum ikki grið
nakað so tyngdi hann
stakkurin við
Vakur var tann gangarin
sum seyðamaðurin átti
sveittin dreiv ur hvørjum hári
svartur sum ein pottur
Eingin fuglur var so skjótur
hvørki á sjógv ella landi
sum tann hestur hjá seyðamanni
á Vatnsoyrarsandi
Hesturin var móður
troyttur til at ekka
tá ið hann kom í Vatnsbrekku
legði hann seg at drekka
Tá ið hann hevði drukkið
eina lítla stund
tá kom hon og stunandi
eftir grønari lund
Hugsar hann við sjálvum sær
her er ikki at dvøla
tá kom hon á Heimarugjógv
aftan á honum í hølum
Seyðamaðurin á Sondum
vendi hestinum frá
hetta skal eita
Sálarbótsá
Seyðamaðurin á Sondum
vendi hestinum snart
tungt er at riða
(ta) brekkuna hart
Tá ið hann kom á Føstuvarða
var hann stívur í lørum
tá kom hon og stunandi
og stóð upp fyri Vørðum
Tá ið hann kom á Mosagerði
nærkaðist henni tá
ikki meir enn eina
reipslongd ífrá
Forbannað veri tann huldukona
enn so dúgliga gekk
tá ið hon kom á Giljarætt
hon mannin aftur fekk
Seyðamaðurin á Sondum
hann yvir um ósan reið
huldukonan í halan fekk
og hann ur hestinum sleit
Bóltaði hann sær av hestinum
inn um kirkjugarð
ólukkutíð at stakkurin
kom fastur har
Bóltaði hann sær av hestinum
mangt var honum til mein
ólukkutíð at stakkurin
kom fastur í ein stein
Bardust tey um stakkin
so illa tað til gekk
hann fekk aðra ermuna .
hon skerdan bulin fekk
Pakka tú teg burtur
tú satans ónda trøll
her er Guð og kirkjan
trífoldigheitin øll
Pakka tú teg burtur
tað sigi eg forvist
her er hann uppmálaður
tann Harri Krist
Mess’akulin i Sandavágskirkju
sigst í hesum kvæði
rárt er at finna
eitt sovorðið skarlaksklæði
Rárt er at finna
eitt sovorðið skarlak
gullbroderaður krossur
stendur í hans bak
Mess’akulin i Sandavágskirkju
sigst í hesum tátti
hann var av tí ermuni
ið huldukonan átti
Niðurlag:
Tøkum lættar í lundum leikar for man
latið váran dans væl falla
Stað :
Stevnan verður í skúlanum á
Giljanesi í Vágum
Tíð :
Stevnan byrjar fríggjakvøldið 4
sep. Klokkan 20.00 og endar leygardagin klokkan 16.00
Tilmelding og
tilmeldingarfreist:
Tilmeldingin fer fram hjá Jónleif
Johannesen tlf 565766.
Tilmeldingarfreistin er
mánakvøldið 1. september
Aldursmark:
Stevnan er fyri ung sum ganga í 7
– 10 flokk. Um onnur ung vilja sleppa við, kunnu tey tekna seg sum
leiðarar.
Evnið :
Evni hesaferð er dansispøl
At læra seg:
Vit fara fríggjakvølsið at kvøða
saman við Vága Dansifelag. Tey fara at skipa Seyðamannin á Sondum, tí er ætlanin
at vit øll skulu hava lisið uppá hetta kvæðið áðrenn.
Kostnaður :
Tiltakið er ókeypis og møguligur
ferðakostnaður verður endurgoldin ( goymi tí belettirnar )
At hava við:
Matpakka til fríggjakvøldið,
undirlag, soviposa, inniskógvar ella hálvhosur, náttklæðir, tannbust og annað,
Skrá
Fríggjakvøldið 4.
sep
20.00 – 21.00
Eta matpakkan á Giljanesi.
Meðan vit eta, hoyra vit
søguna um Seyðamannin á Sondum.
21.00
Við buss til húsið hjá Vága Dansifelag í Beitinum
21.20 – 0.00
Vit dansa saman við Vága Dansifelag í Beitinum
0.00 – 0.30
Vit fáa okkum ein drekkamunn saman við Vága
Dansifelag
0.30 – 1.00
Við buss aftur á Giljanes
1.00 – 1.30
Vit gera okkum klár at fara í song
2.00
Friður
Leygardagin 5. sep
9.00 – 10.00
Morgunmatur
10.00 – 10.45
Dansispøl
10.45 – 11.00
Pausa
11.00 – 11.45
Dansispøl
11.45 – 12.00
Pausa
12.00 – 13.00
Døgurði
13.00 – 15.00
Busstúrur í Vágum. Ferðaleiðari verður Edvard í
Skorðini
15. 00 – 15.40
Vit vitja krígssavnið
16.00
Vit eru aftur á Giljanesi og stevnan
endar
Við hesum verður boðað frá at aðalfundurin
hjá Sláið Ring verður
Leygardagin 12.
septembur 2009 kl. 12.00 á Landsbókasavninum í Havn.
Fundarskráin verður sambært lógum
felagsins, og harumframt hava feløgini møguleika at senda inn uppskot um mál, ið
tey vilja hava viðgjørd.
Mál, ið feløgini ynskja at viðgera á
aðalfundinum skulu vera nevndini í hendi í seinasta lagi mánadagin 7. septembur
2009.
Í ár stendur Rasmus Joensen fyri
vali.
Kelda: Norðlýsið
Hvørt ár hava tey, sum dansa
barnadans her norðuri gjørt ein túr, tað hevur t.d. verið til Nólsoyar, Sumba og
Strendur. Í ár var avgjørt at fara til Svínoyar.
Tað vóru 54 børn,
ung og vaksin, sum fóru avstað við Másanum hósdagin, seinni løgdust fleiri
aftrurat. Endamálið var at samla børn og ung av Viðareiði, Húsum og úr Klaksvík
til dans, dansispøl og at læra kvæði.
Les framhald her.
Á Landsdansistevnuni 2007, sum var í Suðuroynni,
bjóðaðu feløgini úr Sandoynni seg fram til at skipa fyri Landsdansustevnuni
2010.
Sandoyggin hevur ávur skipað fyri hesum tiltaki,
og er tann stevnan enn eitt minniligt dømi um góðan verskap.
Feløgini bæði, Stígum Fast og Leikum Fagurt, hava
verið saman og prátað um komandi stevnuna. Enn eru nógvir endar leysir, men
dagurin er longu lagdur. Landsdansistevnan 2010 verður leygardagin 8. mai.
Hvar í Sandoynni hon verður, er enn ógreitt, men
arbeitt verður fram ímóti, at dansurin skal fáa bestu karmar. Eisini er ætlanini
at sleppa undan fólkakvotu. “Vit vilja fegin bjóða øllum áhugaðum á stevnuna,
men enn vita vit ikki við vissu, um oyggin klárar at taka ímóti”, ljóðar tað av
Sandoynni.
Vit í Sláið Ring gleða okkum til
Landsdansustevnuna 2010, og nú er lagamanni at luttaka. Dagurin, tann 8. mai er
longu lagdur, so kæru dansifólk: “ x í álminakkan tann 8.
mai”.
Fríggjakvøldið
fjórða og leygardagin fimta september, kunnu ung úr øllum landinum vera
við til at menna mentan okkara. Hesar dagar skipar Sláið Ring fyri “Ung
í dansi 09”
”Ung í dansi” er eitt tiltak, sum
er fyri allar næmingar frá sjeynda til tíggjunda flokk. Hetta er triðja árið á
rað at tiltakið sær dagsins ljós. Fyrsta stevnan var við Gjógv, og í fjørð var
stevnan í Øravík. Gott hálvthundra luttakarar hava verið til hvørja stevnuna.
Stevnan hevur til endamáls at kunna ungdómin við føroyskan dans og kvæðir
okkara.
Í ár verður stevnan í skúlanum á
Giljanesi. Hesu ferð verður varpað ljós á vanligu føroysku dansispølini. Umframt
dansispølini læra luttakararnir seg kvæði og søgnina um Seyðamannin á Sondum.
Eisini sleppa tey ungu at luttaka í góðum føroyskum dansi. Hetta verður saman
við Vága Dansifelag í Beitinum.
Sláið Ring heldur at slík stevna
er av størsta týdningi. Tað er torført at halda teimum ungu til kvæðini, men tá
tey ungu møtast til slíkar stevnur, binda tey vinarbond. Mangan verða hesi
vinarbond bundin við dansinum sum felagsnevnara og styrkja tey tí dansin
munandi.
Føroyskur dansur er so háttaður,
at eingin nýtist at setast aftur. Her er pláss fyri øllum. Hann er ein
fólkadansur í orðsins rætta týdningi. Her eru ongar undarliga rassarørslur,
eingi hábrøgd um tónin skurrar eitt vet. Her finnast eingir ráðgevar uttaneftir.
Her eru vit serfrøðingar, hvør einasti ein av okkum.
Undanfarnu ár vóru tað mest
dansifeløg sum meldaðu ungdómar til tiltakið, men tað er einki í vegin fyri at
ein skúlaflokkur verður meldaður til. Fyrireikararnir seta tó tað treyt, at ein
vaksin er um hvørjar átta ungdómar.
Ung í dansi 09 er ókeypis tiltak
og verður ferðakostnaðurin endurgoldin. Hetta verður gjørt fyri at øll skulu
kunna hava møguleikan at vera við.
Sláið Ring gleðir seg til
tiltakið og vónar at eisini skúlaflokkar vísa Ung í dansi 09 áhuga.
Afturvendandi tiltakið, sum Norðurlandahúsið og Sláið Ring skipa fyri
undir heitinum Dansináttin í Norðurlandahúsinum verður leygarkvøldið 11. juli
frá kl. 21.30 til 01.30. Er dansurin góður kann haldast á nakað
longur.
Tiltakið er alment og vóna vit at fleiri leggja leiðina framvið.