Tilmelding til HAVLEIK 2022, føroyingar

Deil

Føroyingar, sum ynskja at luttaka á HAVLEIKI 2022 uttan skúlagisting, melda til gjøgnum sítt lokala dansifelag. Lokala dansifelagið skal senda inn tilmeldingarnar í seinasta lagi 1. juni 2022.

Kostnaðurin hjá føroyingum fyri luttøku á stevnuni er kr. 100 umframt kr. 250 fyri luttøku í galladøgurðanum leygarkvøldið 16. juli 2022, íalt kr. 350.

Íroknað prísin á kr. 350 (fyri stevnu og veitslu) er:

  • setanin um kvøldið 13. juli
  • dansur um kvøldið í Norðurlandahúsinum 13. juli
  • dansur um kvøldið í Norðurlandahúsinum 14. juli
  • dansur um kvøldið í Norðurlandahúsinum 15. juli
  • midnáttargudstænasta 15. juli
  • dansur í býnum 16. juli
  • gallaveitsla og dansur um kvøldið 16. juli

Uppihald og matur annars er ikki við. Til ber at keypa eyka tænastur:

  • máltíðir á Eysturskúlanum – Kostnaður: kr. 80 fyri morgunmat, kr. 85 fyri miðmála, kr. 90 fyri nátturða.
  • skeið í føroyskum dansi í Eysturskúlanum fríggjadagin kl. 10-12. Kostnaður: kr. 50
  • fyrilestrar á Tjóðsavninum fríggjadagin kl. 14:00-17:30 um (kostnaður kr. 100 íalt):
    • Ullina og føroyska búnan við Noomi í Dali,
    • Føroyska bátin við Erland Viberg Joensen, og
    • Føroysk fornminni við Ann Sølviu Selmarsdóttir Purkhús.
  • føroyskt mentanarkvøld í Norðurlandahúsinum fríggjakvøldið 20:00-21:30. Kostnaður: kr. 125. Bert fá pláss eftir – tey fyrst tilmeldaðu fáa pláss.
  • T-shirt við HAVLEIKUR 2022 búmerki. Fæst í støddunum: S, M, L, XL og XXL. Kostnaður: kr. 125.

Hvørt lokala dansifelag hevur fingið eitt excelskjal til tilmelding – meldað verður til og goldið verður samlað gjøgnum hvørt lokala dansifelag til Sláið Ring.

Luttakarar á summarleguni fyri ung í aldrinum 15-25 ár melda til og gjalda beinleiðis til Sláið Ring.

Venjing av Samdansum

Føroyski samdansurin er fyrstu 25 ørindini av Ebbe Skammelsøn. Harumframt hava hini londini sent inn samdansir. Sharon Weiss og onnur frá Dansifrøi hava lovað at skipa fyri undirvísing av samdansum hjá øðrum londum í Dansifrøi hesar dagarnar:

  • týskvøldið 10/5-2022 kl. 19:30 – uml. 20:30
  • týskvøldið 24/5-2022 kl. 19:30 – uml. 20:30, og
  • týskvøldið 31/5-2022 kl. 19:30 – uml. 20:30.

Vónandi taka luttakararnir væl undir við hesum tilboði!

Vegna fyrireikararnar,
Sláið Ring

Onnur tíðindi